Astanada jergilikti fermerler men ózge óńirlerden kelgen taýar óndirýshilerdiń qatysýymen kezekti qalalyq aýyl sharýashylyǵy jármeńkesi jalǵasyp jatyr, dep habarlaıdy Egemen.kz.
Is-shara otandyq óndirýshilerdi qoldaýǵa jáne qala turǵyndaryn qoljetimdi baǵamen jańa pisken ónimdermen qamtamasyz etýge baǵyttalǵan.
Jármeńke eki kún – 31 qańtar men 1 aqpan aralyǵynda saǵat 10:00-den 19:00-ge deıin Alash tasjoly, 35B mekenjaıynda ornalasqan Keryen Joly saýda ortalyǵynda ótip jatyr.
Kelýshilerge ónimniń keń assortımenti usynylǵan: kókónister men jemis-jıdekter, et jáne et ónimderi, sút jáne un ónimderi, jańa pisken nan-toqashtar, tabıǵı shyryndar, tosaptar, djemder jáne basqa da taýarlar.
Astanada «Soǵym-FEST» jármeńkesi 5 kún boıy ótedi
Qatysýshylardyń aıtýynsha, mundaı jármeńkeler qys mezgilinde aýyl sharýashylyǵy óndirýshileri úshin de, qala turǵyndary úshin de asa mańyzdy.
«Jańa jylǵa deıingi alty apta ishinde men shamamen 400 bas jabaǵy sattym. Jármeńkeniń biz úshin basty paıdasy – qys mezgilinde jem-shóp pen shópke ketetin shyǵyndy edáýir azaıtýǵa múmkindik beredi. Al qala turǵyndary ekologııalyq taza otandyq ónimdi deldalsyz, tikeleı satyp alady. Bul turǵyndar úshin de, kásipkerler men fermerler úshin de tıimdi», dedi Jarqyn esimdi fermer.
Astanada aldaǵy demalys kúnderi aýyl sharýashylyǵy jármeńkesi ótedi
Uıymdastyrýshylar jármeńkeniń óndirýshiler men tutynýshylar arasynda tikeleı baılanys ornatýǵa arnalǵan qolaıly alań ekenin atap ótti.
«Bizdiń jármeńkelerde aýyl sharýashylyǵy taýaryn óndirýshiler úshin barlyq jaǵdaı jasalǵan. Olar et, kartop jáne basqa da ónimderdi deldalsyz, tikeleı satady. Bul baǵanyń qala turǵyndary úshin aıtarlyqtaı qoljetimdi bolýyna múmkindik beredi.
Halqymyz etti óte jaqsy kóredi, sondyqtan turǵyndar jármeńkege tańerteńnen bastap keledi. Eń aldymen et, kókónis, jemis-jıdek, un men kúrish satyp alady. Sonymen qatar tabıǵı sút ónimderine – qoldyń sútine, aıran men shubatqa, qymyz ben qurtqa suranys joǵary. Jurt jármeńkege aýyldyń taza etin, qazysy men qurtyn qoljetimdi baǵada alý úshin keledi», dedi Keryen Joly SOO dırektory jáne jármeńke uıymdastyrýshysy Aıtýǵan Kúzerbaev.
Arqalyq áýejaıy bos jumys oryndary jármeńkesin ótkizdi