Ishki ister mınıstri Erjan Sadenov IIM Basqarý akademııasy bazasynda ashylǵan ushqyshsyz ushý apparattary operatorlaryn daıarlaýǵa arnalǵan mamandandyrylǵan zerthana men polıgonnyń jumysymen tanysty, dep habarlaıdy Egemen.kz.
Jańa zerthananyń basty ereksheligi – FPV-drondarmen jumys isteýdiń tolyq sıklyn qamtýy. Munda 3D-prınterlerdi paıdalana otyryp bólshekterdi jobalaý jáne daıyndaýdan bastap, drondardy qurastyrý, tehnıkalyq baptaý jáne synaqtan ótkizýge deıingi barlyq kezeńder júzege asyrylady.
О́ndiris mamandaryna suranys kóp
IIM ókilderiniń aıtýynsha, bul tásil tyńdaýshylarǵa tek pılottaý daǵdylaryn meńgerip qana qoımaı, FPV-drondardyń qurylymyn, jumys isteý qaǵıdattaryn jáne paıdalaný erekshelikterin tereń túsinýge múmkindik beredi.
«Qurylǵan polıgon operatorlardy praktıkalyq turǵyda daıarlaýǵa arnalǵan. Onda ushqyshsyz apparattardy basqarý daǵdylary, manevr jasaý jáne shynaıy jedel oqıǵalarǵa barynsha jaqyndatylǵan ortada oqý tapsyrmalaryn oryndaý pysyqtalady», delingen habarlamada.
Materıaldyq-tehnıkalyq bazamen qatar IIM Basqarý akademııasynda UUA operatorlaryn daıarlaýdyń mamandandyrylǵan kýrstar júıesi engizildi. Atap aıtqanda, Ashyq Aspan Foundation qorymen birlesip ázirlengen oqytýdyń ekinshi kezeńi júzege asyrylyp jatyr. Bul kezeń tereńdetilgen praktıkalyq daıarlyqqa, FPV-drondarmen jumys isteýge jáne kúrdeli jaǵdaılarda sheshim qabyldaý daǵdylaryn damytýǵa baǵyttalǵan.
Ulttyq kompanııa dron basqara biletin mamandar izdep jatyr
Is-sharada ushqyshsyz ushý apparattaryn basqarý boıynsha mamandardy daıarlaý júıesin odan ári damytý perspektıvalary, sondaı-aq ishki ister organdary qyzmetinde ushqyshsyz tehnologııalardy qoldaný aıasyn keńeıtý máseleleri talqylandy.
Qazaqstan men Qytaı sý salasynyń mamandaryn daıarlaıtyn kolledj qurady