Qazaqstan sıfrlyq sheshimderdi álemdik naryqta júzege asyrýda tarıhı mejeden ótip, tehnologııalardy netto-eksporttaýshy el mártebesin resmı túrde bekitti. 2025 jyldyń qorytyndysy boıynsha, otandyq IT-qyzmetter eksportynyń kólemi 1,142 mlrd dollarǵa jetti, dep habarlaıdy Egemen.kz.
Bul týraly 2026 jylǵy 10 sáýirde Qazaqstannyń Jasandy ıntellekt jáne sıfrlyq damý mınıstrliginiń baspasóz qyzmeti málimdedi. Vedomstvo derekterine sáıkes, sıfrlyq salanyń qazirgi kórsetkishteri sapaly ósimdi kórsetip otyr:
Qazaqstannyń sıfrlyq sektordaǵy eksporttyq tabysy ımport kóleminen 2,6 eseden astam joǵary. Import kólemi 429 mln dollardy qurady. Qazaqstandyq IT-ázirlemeler 110-nan astam elde suranysqa ıe, olardyń qatarynda BAÁ, Germanııa, Ispanııa jáne Nıderlandy bar. О́simniń negizgi draıveri – Astana Hub, onyń rezıdentteri eksporttyń 50%-dan astamyn (633 mln dollar) qamtamasyz etti.«Búginde biz qazaqstandyq IT-kompanııalardyń halyqaralyq naryqtarǵa shyǵýyna, óz sheshimderin aýqymdaýǵa jáne jahandyq sıfrlyq ekonomıkanyń bir bóligine aınalýyna múmkindik beretin jaǵdaılardy júıeli túrde qalyptastyryp jatyrmyz. 1 mlrd dollarlyq mejege jetý – qabyldanǵan qoldaý sharalarynyń, ekojúıeniń damýynyń jáne halyqaralyq ilgeriletýdiń naqty nátıje berip jatqanyn kórsetetin mańyzdy kórsetkish. Bizdiń mindetimiz – osy ósimdi bekitip, sıfrlyq qyzmetter eksportyn odan ári arttyrýǵa berik negiz qalyptastyrý», dedi QR JISDM Sıfrlyq aktıvter jáne serpindi tehnologııalar komıtetiniń tóraǵasy Ǵızzat Baıtursynov.
Qazaqstannyń jahandyq qatysýy Palo-Alto, Shanhaı jáne Dýbaı qalalaryndaǵy halyqaralyq ınnovasııalyq habtar arqyly da nyǵaıyp keledi. Jańa strategııalyq baǵyt retinde Ońtústik-Shyǵys Azııa óńiri aıqyndaldy: Tashkentte ótken CEVF 2026 forýmy aıasynda Astana Hub, IT Park Uzbekistan jáne Big Sky Capital venchýrlik qory úshjaqty memorandýmǵa qol qoıyp, áriptestikti bekitti.
JI-men jazylǵan dıplom
Bul kelisim Malaızııada tehnologııalyq hab ashýdy kózdeıdi. Ol qazaqstandyq startaptar úshin óńir naryqtaryna shyǵýdyń negizgi núktesine aınalmaq. Sonymen qatar, Silkway Accelerator jáne Hero Training baǵdarlamalary jergilikti ázirlemelerdi básekege qabiletti eksporttyq ónimderge aınaldyrýdy tıimdi túrde jalǵastyryp keledi.
Qazaqstannyń 150-den astam uıymnyń top-menedjerleri JI boıynsha bilim alady