Parasat ordasy Ulttyq kitaphanada «Shalqar» radıosynyń 60 jyldyq mereıtoıyna arnalǵan taǵylymdy jıyn ótti. 1966 jyldyń 1 qańtarynda keshki saǵat 19.00-de daýylpaz dıktor Ánýarbek Baıjanbaevtyń habarlaýymen áýe tolqynyna shyqqan «Shalqar» baǵdarlamasy ýaqyt bederinde aýqymyn keńeıtip ulttyq radıoǵa aınalǵan edi. Táýligine 18 saǵat boıy tolyqtaı qazaq tilinde habar taratatyn radıo ulttyq aqparat keńistiginde óz ornyn qalyptastyrǵan irgeli ujym retinde úzdiksiz qyzmet etip keledi.
Halyq júregin terbegen radıonyń mereıtoıyna ómirin osy salaǵa arnaǵan ardager jýrnalıster arnaıy shaqyrylyp, olarǵa qurmet kórsetildi. Kesh shymyldyǵyn ashqan Prezıdent keńesshisi Málik Otarbaev «Shalqar» radıosynyń ujymyn mereıli belesimen quttyqtap, Memleket basshysynyń izgi lebizin jetkizdi.
«Ulttyń únbaıraǵy atanǵan «Shalqar» radıosy – qazaq rýhanııaty men el tarıhynda oryn alǵan erekshe qubylys. Táýelsizdikke deıingi kezeńde qazaq tilinde habar taratyp, ulttyq qundylyqtardy pash etken «Shalqar» atty baǵdarlama, odan keıin ulttyq radıonyń ómirge kelýi – sol zamandaǵy ultyn súıgen, eliniń qadir-qasıetin, bolashaǵyn oılaǵan ardaqty aǵa-apalarymyzdyń erligi. Osy oraıda aǵa býyn ókilderine zor alǵys aıtamyz. «Shalqar» radıosy búginde ultymyzǵa qaltqysyz qyzmet etip keledi. Qazaqtyń dástúrli mýzykasy men tól ónerin, ulttyq mádenıeti men ádebıetin, saǵyndyrǵan retro mýzykasyn, ótkenimizden syr shertetin altyn qordaǵy asyl qazynalarymyzdy nasıhattap, memlekettik tilde habar taratatyn naǵyz ulttyq arnaǵa aınalyp otyr. Bul beleske radıo qyzmetkerleri uzaq jylǵy qajyrly eńbegimen, úzdiksiz izdenýimen jetkeni anyq. Radıojýrnalıstıka – qyzyǵy men qıyndyǵy mol, zor jaýapkershilikti qajet etetin biregeı kásip. Sondyqtan da aqparat aıdynynda júrgen sizderdi aıtýly sátpen quttyqtaımyn», dedi M.Otarbaev.
О́z kezeginde Prezıdent keńesshisi birqatar radıo ardageri men qyzmetkerine Qazaqstan Prezıdentiniń tósbelgisi men Alǵyshatyn tabystady. Olardyń qatarynda tutas ǵumyrnamasyn radıo ómirimen órgen belgili dıktorlar men arnanyń búgingi tańdaǵy beldi qyzmetkerleri bar.
Is-sharaǵa arnaıy kelgen Mádenıet jáne aqparat vıse-mınıstri Qanat Ysqaqov radıo ujymyna izgi lebizin bildirip, Premer-mınıstr Oljas Bektenov, Memlekettik keńesshi Erlan Qarın, sondaı-aq Premer- mınıstrdiń orynbasary – Mádenıet jáne aqparat mınıstri Aıda Balaevanyń quttyqtaý hatyn oqyp berdi.
Quttyqtaý sózinde Qanat Ysqaqov kúni búgin elimizde 60-tan asa radıostansa aqparat taratyp otyrǵanyn, bul rette ulttyq qundylyqtarymyzdy dáriptep, tarıhymyz ben mádenıetimizdi pash etken ulttyq radıonyń orny bólek ekenin atap ótti. Onyń aıtýynsha, «Shalqar» radıosynyń qazirgi taralym aýqymy elimizdiń 73 paıyzyn quraıdy. Aldaǵy ýaqytta mınıstrliktiń bastamasymen osy aýqymdy 95 paıyzǵa jetkizip, «Shalqar» radıosynyń únin shalǵaı aýdandarǵa jetkizý kózdelip otyr.
Vıse-mınıstr radıo ardagerleri men ujymda tabandy eńbek etip júrgen birqatar áriptesimizdi vedomstva basshysynyń atynan «Eńbek ardageri», «Aqparat salasynyń úzdigi» tósbelgilerimen, sondaı-aq Mádenıet jáne aqparat mınıstriniń quttyqtaý hatymen marapattady. Sonymen qatar jıynda radıo ujymyna Senat jáne Májilis tóraǵalarynyń, birqatar qala ákimderi men qoǵamdyq uıym basshylarynyń quttyqtaý hattary tapsyryldy. Saltanatty jıynda arnanyń 60 jyldyǵyna oraı «Ulttyń únbaıraǵy» atty kitaptyń tusaýy kesildi.
«Radıoda ýaqyttyń úni bar. Munda dáýir shejiresi qattalǵan. «Almatydan sóılep turmyz, efırde – Shalqar!» degen daýys búkil dúnıejúzindegi qazaqtyń júregin tebirentkeni anyq. «Shalqar» radıosy – qazaq radıojýrnalıstıkasynyń altyn dińgegi. О́mirimizdiń eń bir shýaqty kezeńderi osynda ótti», deıdi radıo ardageri Búrkit Bekmaǵambetov.
Ulttyq radıonyń búgingi tańdaǵy altyn daýsyna aınalǵan belgili jýrnalıster Baqyt Jaǵyparuly men Gúlmıra Nálibaı tizgindegen mereıtoılyq is-shara ásem áýen qalyqtaǵan konserttik baǵdarlamaǵa ulasty.