Silk Way Star halyqaralyq vokaldyq baıqaýynyń grand-fınaly 30 qańtar kúni Qytaıdyń Ortalyq telearnasy qurylymyna kiretin CCTV-15 mýzykalyq telearnasynan kórsetildi, dep habarlaıdy Egemen.kz Prezıdent Is basqarmasynyń baspasóz qyzmetine silteme jasap.
Silk Way Star grand-fınalynyń Qytaıdyń eń iri medıaholdıngteriniń birinde kórsetilýi Qazaqstannyń televızııa ındýstrııasy úshin mańyzdy oqıǵa boldy. 1,1 mıllıardtan astam áleýetti aýdıtorııasy bar platformadaǵy kórsetilim aýqymy jaǵynan sensasııalyq sıpatqa ıe bolyp, elder arasyndaǵy gýmanıtarlyq jáne mádenı yntymaqtastyqty damytýdaǵy mańyzdy qadam sanalady.
Qytaılyq kórermen Qazaqstan, Mońǵolııa, Ázerbaıjan, Armenııa, Grýzııa, Malaızııa, Qytaı, Qyrǵyzstan, Tájikstan, Túrikmenstan, О́zbekstan jáne Ońtústik Koreıadan kelgen oryndaýshylardy biriktirgen aýqymdy halyqaralyq jobanyń aqtyq synyndaǵy erekshe shoýǵa kýá boldy.
Silk Way Star – Azııadaǵy osyndaı formattaǵy alǵashqy halyqaralyq vokaldyq baıqaý. Joba ártúrli mýzykalyq dástúrlerdi, tilderdi jáne oryndaýshylyq mektepterdi toǵystyrǵan biregeı mádenı platformaǵa aınaldy. Baıqaý joǵary deńgeıdegi prodakshndy, jandy daýysty, aýqymdy qoıylymdardy jáne zamanaýı televızııalyq óndiristi kórsetti.
Silk Way Star: Qazaqstan Eýrazııanyń jańa medıabrendin qalyptastyryp keledi
Qazaqstan Respýblıkasy Prezıdentiniń Teleradıokesheni basshysy Raýshan Qajybaeva 2025 jylǵy maýsymda Qazaqstan Respýblıkasynyń Prezıdenti Qasym-Jomart Toqaev pen Qytaı Halyq Respýblıkasynyń Tóraǵasy Sı Szınpınniń kezdesýinde 12 eldiń qatysýymen halyqaralyq mýzykalyq jobany iske asyrý týraly kelisimge qol qoıylǵanyn atap ótti. Sondaı-aq medıaholdıng dırektory memlekettik keńesshi Erlan Qarınge joba ıdeıasynyń avtory retinde qoldaý kórsetip, senim bildirgeni úshin alǵysyn jetkizdi.
Grand-fınaldyń CCTV-15 arnasynda kórsetilýi jobanyń joǵary halyqaralyq mártebesin jáne onyń Qazaqstannan tys jerlerde de suranysqa ıe ekenin dáleldeıdi. Bul jaı ǵana telearnalyq kórsetilim emes, qazaqstandyq medıa kontenttiń áleýetin jahandyq deńgeıde tanytatyn strategııalyq mádenı kópir.
2025 jyly baıqaýdyń jeńimpazy Mońǵolııadan kelgen Mıshel Djozef atandy. Silk Way Star jobasynyń kelesi maýsymy Qytaıda ótedi. Osylaısha joba geografııalyq turǵyda keńeıip, halyqaralyq seriktestiktiń nyǵaıýyn sımvoldyq túrde jalǵastyrady.
«Silk way star»: Juldyzy janǵan Mıshel