Qazaqstan Respýblıkasynyń Syrtqy ister mınıstrligi Ońtústik Koreıadaǵy zaýytta bolǵan órtten keıin Qazaqstan azamatynyń joǵalǵanyn resmı túrde rastady, dep habarlaıdy Egemen.kz.
Vedomstvonyń málimetinshe, 30 qańtarda Ońtústik Koreıa Respýblıkasynyń Mendon-mıon qalasynda azyq-túlik pen sýsyn óndiretin kásiporynda órt shyqqan. Oqıǵadan keıin 81 qyzmetker evakýasııalanǵan, alaıda eki jumysshynyń, onyń ishinde Qazaqstan Respýblıkasynyń bir azamatynyń qaıda ekeni belgisiz bolyp otyr.
Túndegi tilsiz jaý: SQO-daǵy bir aýdanda eki adam órtten qaza tapty
Polısııa men órt sóndirý qyzmetiniń deregine sáıkes, 31 qańtar kúni tańerteń órtengen sehtyń ishinen jeke basy anyqtalmaǵan máıit tabylǵan. Qazirgi ýaqytta polısııa marqumnyń jeke tulǵasyn anyqtaý úshin isti Ulttyq ǵylymı zertteýler ınstıtýtyna joldaǵan.
Astanada ǵımarat shatyry órtendi: Zardap shekkender joq
Qazaqstannyń Ońtústik Koreıadaǵy elshiligi polısııamen jáne órtke qarsy qyzmetpen, sondaı-aq joǵalǵan Qazaqstan azamatynyń týystarymen turaqty baılanysta. Atalǵan másele elshiliktiń erekshe baqylaýynda.
Eńbek mınıstrligi Ońtústik Koreıada júrgen Qazaqstan azamattaryna úndeý jasady