Jasandy ıntellektti bilim berý salasyna engizý – bilim berý modelin tereń ári keshendi jańǵyrtýǵa baǵyttalǵan memlekettiń strategııalyq basym baǵyty, dep habarlaıdy Egemen.kz.
Bul proses oqytý ádisterin jetildirýden bastap, bilimdi baǵalaýdyń túbegeıli jańa tásilderin engizýge jáne árbir oqýshynyń naqty qajettiligine beıimdelgen oqytý júıesin damytý sııaqty negizgi komponentterdi qamtıdy.
Negizgi maqsat – jahandyq sıfrlandyrý jaǵdaıynda bilim berý júıesin jańǵyrtyp, ony zamanaýı básekege qabiletti deńgeıge kóterý, sondaı-aq Qazaqstannyń barlyq oqýshylary úshin teń múmkindikterdi qamtamasyz etý.
Jasandy ıntellekt tehnologııalaryn qoldaný arqyly oqýshylardyń turǵylyqty jerine qaramastan sapaly bilim berý resýrstaryna jáne zamanaýı oqytý ádistemelerine qoljetimdilik keńeıtiledi, bul aýyldyq jáne shaǵyn jınaqty mektep oqýshylarynyń da úzdik bilim berý tájirıbeleri deńgeıinde bilim alýyna múmkindik beredi.
Búgin Prezıdent orta bilim berý júıesine jasandy ıntellekt engizý týraly Jarlyqqa qol qoıdy.