Jambyl oblystyq kózi kórmeıtin jáne álsiz kóretin azamattar kitaphanasynyń uıymdastyrýymen Analar kúnine oraı «Júrek kózimen kóretin ana» atty ınklıýzıvti baıqaý ótti. Atalǵan sharanyń basty maqsaty – kórý qabileti shekteýli analardyń qoǵamdaǵy ornyn aıqyndap, olardyń ómirge degen qushtarlyǵyn, shyǵarmashylyq qabiletterin jáne analyq meıirimin kópshilikke tanytý boldy. Kesh Sherhan Murtaza atyndaǵy «Rýhanııat jáne tarıhtaný» ortalyǵynda uıymdastyrylyp, erekshe jandarǵa qurmet pen qoldaý kórsetýdi kózdegen taǵylymdy basqosýǵa aınaldy, dep habarlaıdy Egemen.kz.
Is-shara barysynda qatysýshy analar ózderiniń ónerin, tapqyrlyǵyn, ómirlik ustanymdaryn ortaǵa salyp, kórermenderge erekshe áser syılady.
Inklıýzıvti kesh tórt kezeńnen turdy. Alǵashqy «Men – baqytty anamyn» kezeńinde qatysýshylar ózderin tanystyryp, otbasy, ana baqyty jáne ómirlik kózqarastary týraly júrekjardy áńgimelerin bólisti. «Ananyń qoly bárin eske alady» atty taktıldi kezeńde analar sıpap sezý arqyly túrli zattardy anyqtap, sezimtaldyq pen zerektikterin kórsetti. Al «О́nermen órilgen ómir» bóliminde án aıtyp, óleń oqyp, shyǵarmashylyq qyrlaryn pash etti.
Qalamger Esbolat Aıdabosyn «Mesenat» baıqaýynyń jeńimpazy atandy
Sońǵy «Sıpap aıtylǵan besik jyry» kezeńinde ulttyq naqyshtaǵy besik jyrlaryn oryndap, ana júreginiń meıirimi men qazaqy tárbıeniń qundylyǵyn dáriptedi. Baıqaýǵa qatysqan analardyń árqaısysy ómirge degen jigerimen, ónerimen jáne tózimdiligimen kópshilikke úlgi boldy. Qatysýshylar arasynda Baızaq, Merki, Jambyl aýdandarynan jáne Taraz qalasynan kelgen oqyrmandar óz baqtaryn synady. Kesh barysynda ánder oryndalyp, kórermenderge kóterińki kóńil-kúı syılady. Sonymen qatar qatysýshylardyń ónerin arnaıy qazylar alqasy baǵalap, baıqaý qorytyndysy boıynsha túrli nomınasııalar tabystaldy. Atap aıtqanda, «Eń sezimtal ana» Ońǵarbaeva Qolqanat l-top kóz múgedegi, Taraz qalasy,«Eń ónerli ana» Taıshybekova Qarlyǵa Saıaqbaıqyzy ll-top kóz múgedegi, Baızaq aýdany «Eń sheber ana» Shópshekova Quralaı Bekbolatqyzy l-top kóz múgedegi jáne Jambyl aýdany jáne «Kórermen kózaıymy» Tólebaeva Kamıla l-top kóz múgedegi, Merki aýdany.
Kelgen ár qatysýshylardyń arasynan jeńimpazdar anyqtalyp, dıplomdar men estelik syılyqtarmen marapattaldy. Atalǵan mádenı shara erekshe jandardyń qoǵam ómirine belsendi aralasýyna múmkindik berip qana qoımaı, ınklıýzıvti mádenıettiń damýyna, adamgershilik pen rýhanı qundylyqtardyń artýyna zor úles qosty. «Júrek kózimen kóretin ana» keshi ananyń meıirimi men júrek jylýy kózben emes, júrekpen seziletinin taǵy bir márte dáleldegen taǵylymy mol rýhanı kesh boldy.
«Ulttyq kitap» respýblıkalyq baıqaýynyń jeńimpazdary marapattaldy