Jetisý oblysynyń Qaratal aýdanynda polısııa qyzmetkerine qol kótergen jergilikti turǵyn eki jylǵa bas bostandyǵyn shekteý jazasyna kesildi. Bul týraly oblystyq prokýratýra habarlady, dep jazady Egemen.kz.
Oqıǵa 102 nómirine túsken shaqyrtýdan keıin bolǵan. Ýchaskelik ınspektor oqıǵa ornyna barǵan kezde er adam polısııa qyzmetkerine agressııa tanytqan. Ol tártip saqshysynyń betinen birneshe ret shapalaqpen uryp, qyzmettik beınejetonyn julyp alyp, pogondaryn búldirgen.
Prokýratýra málimetinshe, memlekettik aıyptaýshy sotta kúdiktiniń kinásin tolyq dáleldegen. Nátıjesinde sot oǵan eki jyl merzimge bas bostandyǵyn shekteý jazasyn taǵaıyndady. Sonymen qatar sottalǵan azamat májbúrli eńbekke tartylyp, memleketke keltirilgen materıaldyq shyǵyn tolyq óndirildi.
Prokýratýra quqyq qorǵaý organdary qyzmetkerlerine qarsy jasalǵan kez kelgen zańsyz áreket qatań jaýapkershilikke ákeletinin eske saldy. Sot úkimi zańdy kúshine endi.
Jetisý oblysynda jergilikti bloger Danııar Beıisqalı qoqystan tabylǵan eltańbany úıine ilip qoıǵany úshin jazalanǵan edi. Al elordada 17 adamdy «qajylyqqa jiberemin» dep aldaǵan alaıaq jazaǵa tartyldy.