Jaz aılarynda elimizdiń birqatar óńirlerinde qurǵaqshylyq bolýy múmkin. Bul týraly Úkimet otyrysynda Ekologııa jáne tabıǵı resýrstar mınıstri Erlan Nysanbaev málimdedi, dep habarlaıdy Egemen.kz.
Mınıstrdiń aıtýynsha, negizgi astyq egetin óńirler – Qostanaı, Aqmola, Soltústik Qazaqstan, Shyǵys Qazaqstan jáne Batys Qazaqstan oblystary – topyraqtyń metrlik qabatynda ylǵal qory jetkilikti deńgeıde. Al Aqtóbe, Pavlodar jáne Qaraǵandy oblystarynda jaǵdaı qanaǵattanarlyq dep baǵalanyp otyr.
«Jalpy mamyr aıynda aýa raıy egin egý jumystaryn júrgizýge qolaıly bolady. Ortalyq jáne ońtústik-batys aımaqtardy qospaǵanda, eldiń kóp bóliginde jaýyn-shashyn normaǵa jaqyn bolady dep kútilýde. Maýsym men shilde aıynda el aýmaǵynyń basym bóliginde temperatýra normadan 1-2 gradýsqa joǵary bolady dep boljanyp otyr», dedi E.Nysanbaev.
Taza sý tapshylyǵy qashan joıylady?
Mınıstrdiń aıtýynsha, shildede shyǵys óńirlerde jaýyn-shashyn kóbeıse, batysta kerisinshe azaıýy yqtımal.
«Aqtóbe jáne Jambyl oblystarynyń jekelegen aýdandarynda jergilikti qurǵaqshylyq belgileri baıqalýy yqtımal», dedi mınıstr.
Eske sala keteıik, buǵan deıin Sý resýrstary jáne ırrıgasııa mınıstri Nurjan Nurjigitov óńtústik óńirlerde sýdy paıdalaný lımıtteri qysqarǵanyn atap ótken bolatyn.
Nurbolat AMANBEK