Qazaqstan tennısshisi Elena Rybakına Aýstralııa ashyq chempıonatyndaǵy (Australian Open) tarıhı jeńisinen keıin aldaǵy josparlary týraly oı bólisti, dep habarlaıdy Egemen.kz.
Keshe ótken baspasóz máslıhatynda Rybakına Melbýrnda qalmaıtynyn aıtty. Qazaqstan sportshysy Abý-Dabıde (BAÁ) ótetin WTA 500 sanatyndaǵy týrnırge qatyspaıtynyn, 1-7 aqpan aralyǵynda ótetin jarystan resmı túrde bas tartqanyn aıtty. Aıta keteıik, bastapqyda Elena Rybakına bul týrnırde birinshi nómirmen tirkelgen bolatyn.
Eske sala keteıik, kúni keshe Elena Rybakına Australian Open-2026 týrnıriniń jeńimpazy atandy. Ol fınalda Belarýs ókili, álemniń birinshi raketkasy Arına Sobolenkony tartysty kezdesýde úsh sette jeńdi – 6:4, 4:6, 6:4.
Memleket basshysy Elena Rybakınany jeńisimen quttyqtady
Osylaısha, Elena Rybakına 2022 jylǵy Ýımbldonnan keıin «Úlken dýlyǵa» týrnırlerindegi ekinshi chempıondyq ataǵyn ıelendi.