Halyq qalaýlylary kópbeıindi qural-jabdyqtar shyǵaratyn zaýyttyń áleýetimen tanysyp, jumysshylarmen kezdesti. Qazir munda 210 adam eńbek etedi. Burǵylaý stanoktary óndirisin jańǵyrtý maqsatymen sheteldik ozyq tehnologııalar ornatylǵan.
«2013 jyldan beri ónimderimiz Reseıge eksporttalady. Jyldyq qarjylyq aınalymymyz 1 mıllıard teńgeni quraıdy. Aldaǵy ýaqytta aýyl sharýashylyq tehnıkalaryn qurastyrýdy josparlap otyrmyz», deıdi kásiporyn dırektorynyń kommersııalyq máseleler jónindegi orynbasary Saǵadat Aqjanov. Májilis depýtattary Olga Shıshıgına men Artýr Platonov «Nurly jer», «Nurly jol» baǵdarlamalardyń mańyzdylyǵyna, turǵyn úı qurylys –jınaqtaý júıesiniń artyqshylyǵyna toqtaldy. Olar jeke bıznesti damytýǵa, jeńildikti nesıe alýǵa baılanysty qoıylǵan saýaldarǵa jaýap berdi.
Mundaı mazmundy júzdesý oblystyq ishki ister departamentiniń jeke quramymen de ótti. Onda Káribaı Musyrman, Arýtr Platonov jınalǵandardy Parlamenttiń jumysymen , qabyldanǵan Zańdardyń jaıymen, memleket tarapynan jasalyp jatqan qoldaý barysymen tanystyrdy. Alda turǵan mindettermen bólisti.
О́mir Esqalı,
«Egemen Qazaqstan»
Soltústik Qazaqstan oblysy