«Jasyl kópir» arqyly «Jasyl tehnologııa» ortalyǵyna jetemiz...

Sonymen qatar, Parıj klımattyq kelisimin iske asyrý jáne «jasyl» qar­jyny mobılızasııalaý úshin tómen kómirtekti tehnologııalar men saıasat jó­ninde sóz bolmaq. Jıynǵa Nobel syı­­lyǵynyń laýreaty Rae Kvon Chýng, Pákistannyń klımatty ózgertý jó­nindegi federaldy mınıstri Zahıd Ha­mıd, Qazaqstandaǵy BUU damý baǵ­dar­la­masynyń turaqty ókili Norımasa Shımomýra jáne basqa da halyqaralyq já­ne úkimettik emes uıymdardyń, bıznes qoǵamdastyqtyń joǵary laýazymdy ókil­deri qatysýda.  Basqosý barysyndaǵy baspasóz más­lıhatynda Energetıka mınıstri Qa­nat Bozymbaev Qazaqstan ulttyq deń­geıde ekonomıkany jańǵyrtýdyń aý­qymdy baǵdarlamasyn júzege asyrýǵa kiris­ke­nin jetkizdi. «Jasyl» ekonomıkaǵa kó­shý úshin zańnamalyq baza quryldy. Qazaqstan Ortalyq Azııa elderi arasynda birinshi bolyp memlekettik deńgeıde «jasyl» ekonomıkaǵa kóshýdiń strategııalyq qujatyn qabyldap, ony tórt jyldan beri sátti iske asyryp keledi. О́ńirlik turǵyda Qazaqstan energııalyq qaýipsizdik júıesin qamtamasyz etýde jaýapkershiligi joǵary ári senimdi qatysýshy retinde ózin kórsetýde. Elimiz turaqty saıası jáne ekonomıkalyq damýǵa úndeý ja­sap keledi. О́tken jyly Parıjdik klı­mattyq kelisim kúshine endi. Barlyq elderdiń aldynda ǵasyrdyń sońyna deıin eki gradýstyq deńgeıdi ustap turý maqsaty tur. Qazaqstan parnıktik gazdar shyǵaryndylaryn 1990 jyldaǵy deńgeıge qaraǵanda 2030 jylǵa qaraı 15 paıyzǵa tómendetý mindetin ózine aldy. Jańaratyn energııa kózderin damytý, energııa únemdeý, energııa tıimdilikti arttyrý, kólikti ekologııalyq taza otyn túrlerine kóshirý, sondaı-aq, ormandy alqaptardyń aýmaǵyn arttyrý sekildi sharalardy iske asyrý alǵa qoıylǵan maqsat-mindetti oryndaýǵa múmkindik beredi», dedi mınıstr. Onyń sózine qaraǵanda, «Jasyl kópir» seriktestik baǵ­darlamasy «jasyl» tehnologııalar transferti jolymen belgilengen maq­sat­tarǵa qol jetkizýde mańyzdy ról atq­ara alady. Joǵaryda atalǵan sharalardy júzege asyrýǵa qoldaý kórsetý úshin «ja­syl» klımattyq qordyń jáne ózge de ha­lyq­aralyq qarjy ınstıtýttarynyń ınvestısııasyn tartý qarastyrylyp otyr.  Energetıka mınıstri elimizde «Ja­syl kópir» bastamasyn damytýdyń ke­lesi qadamy «Jasyl tehnologııalar» halyqaralyq ortalyǵyn qurýmen jal­­ǵasatynyn jetkizdi. Qazaqstan  Prez­ıdentiniń bul bastamasyna búginde halyqaralyq uıymdar qoldaý bildirgen. «Qazaqstan dáıekti túrde «jasyl» ekonomıkaǵa aýysý tujyrymdamasyn júzege asyrýda. Osy tujyrymdamany iske asyrýdaǵy qadamdardyń biri –EKSPO pavılondary biriniń bazasynda «Jasyl» tehnologııalar jáne ınvestısııalar ortalyǵyn qurýǵa negizdelgen. О́zderińiz bilesizder, ortalyqty BUU-nyń túrli uıymdarynyń qoldaýymen qurý qarastyrylyp otyr. Sonymen qatar, biz jeke kapıtaldyń qatysýyn da eskerýdemiz. Jańa jylǵa deıin negizgi qujattarǵa qol qoıyp, kelissózderdi aıaqtaımyz degen oıdamyn. Osy rette aldaǵy jyly ortalyq tolyqqandy qyzmet etýi tıis», dedi Q.Bozymbaev. Konferensııa barysynda «jasyl» tehnologııalar salasynda Avstrııalyq tehnologııalar ınstıtýtymen, «KaukoInternational Group» fın kompanııasymen yntymaqtastyq týraly memorandýmǵa qol qoıyldy. Forýmnyń ekinshi kúninde, ıaǵnı, búgin, 13 shildede konferensııa qatysýshylary «Arnasaı» jasyl tehnologııalar ortalyǵynda bolady. Onda ınnovatorlar men jastardyń qatysýymen «jasyl» tehnologııalar kórmesimen, Qazaqstannyń birinshi «jasyl» aýylymen, «EXPO-Camp» jasóspirimder lagerimen tanystyrý sharalary ótpek.