Bıylǵy 12-14 shildede bolǵan sapary aıasynda Gúlshara Ábdiqalyqova Belarýs Prezıdenti Ákimshiliginiń basshysy N.Kochanovamen kezdesti. Kezdesýde óńiraralyq deńgeıdegi jáne saýda-ekonomıkalyq, mádenı-gýmanıtarlyq salalardaǵy ekijaqty ózara is-qımyl máseleleri talqylandy. Memlekettik hatshy Qazaqstan men Belarýs arasyndaǵy taýar aınalymy 2017 jylǵy qańtar-sáýir aılarynda 160,4 mln dollar bolǵanyn jáne onyń 2016 jyldyń tıisti kezeńimen salystyrǵanda shamamen 76%-ǵa óskenin atap ótti. Gúlshara Ábdiqalyqova Belarýs tarapyna Astanadaǵy EKSPO-2017 halyqaralyq mamandandyrylǵan kórmesine belsene atsalysyp jatqany úshin rızashylyq bildirdi. N.Kochanova mártebeli meımanǵa saparmen kelip, EKSPO-2017 kórmesi aıasynda ótetin «Áıelder bolashaqtyń energııasy úshin» atty halyqaralyq áıelder forýmyna shaqyrǵanyna alǵys aıtty. Sapar aıasynda Memlekettik hatshy Gúlshara Ábdiqalyqova elder men qurlyqtardy biriktiretin iri mádenı forým – «Slavıan bazary» atty halyqaralyq óner festıvaliniń ashylýyna qatysty.
Qazaqstan Respýblıkasynyń Memlekettik hatshysy Gúlshara Ábdiqalyqova Belarýs Respýblıkasyna jumys saparymen bardy, dep habarlady Prezıdenttiń baspasóz qyzmeti.