Belarýstiń Vıtebsk qalasynda ótken «Slavıan bazary» halyqaralyq óner festıvaliniń jabylý saltanatynda qazaqstandyq ánshi Dımash Qudaıbergen qurmetti qonaq retinde «Adajıo» ánin oryndady.
Dımash ózine osyndaı múmkindik týǵyzǵan festıval uıymdastyrýshylaryna óz alǵysyn bildirdi.
Aıta keteıik, «Slavıan bazary» festıvaline bıyl Qazaqstan atynan Aıgerim (Ayree) Raqysheva óner kórsetip jatyr. Baıqaýdyń eki kezeńiniń qortyndysy boıynsha ýkraınalyq ánshi Vlad Sytnık jáne belorýs ánshisi Egora Sharankova 151 baldan ıelenip, alǵa shyqty.
Osyǵan deıin Qazaqstan atynan Alısher Karımov, Marhaba Sábı, Dınara Sultan, Berdibek Qulǵaraev qatysqan. Al 2015 jyly Dımash baıqaýdyń bas júldesin jeńip alǵan bolatyn.