«Katerdiń sýdaǵy syıymdylyǵy 27 tonna, munyń ereksheligi – óte júrdektiginde. Jańa katerdiń jyldamdyǵy 50 ýzelǵa deıin jetedi, bul shamamen saǵatyna 100 shaqyrym ala alady degen sóz. Bizdiń zaýytta osy synypty katerlerdiń besinshisi Kaspıı teńizine attanǵaly otyr. Aldyńǵylarynan bir ózgesheligi – katerdiń korpýsy jańartylǵan», deıdi Oral qalasyndaǵy «Zenıt» zaýytynyń dırektory Vıacheslav Valıev.
FC-19 jobasy boıynsha oraldyq alǵashqy katerdiń úlgisi 2009 jyly jasalyp, tapsyrylǵan edi. Elimizdiń sýdaǵy memlekettik shekarasyn qorǵaýǵa, Kaspıı teńiziniń qazaqstandyq bóliginde zańsyz balyq aýlaýǵa, kontrabandalyq operasııalarǵa arnalǵan bul kúzet katerleri júrdektigimen ári kilt burylysty qımylǵa ıkemdiligimen tanylǵan. Katerge zamanaýı baılanys jáne baǵdar quraldary ornatylǵan. 5 balldyq teńiz daýylyna shydas berip, bazaǵa aman-esen oralady deıdi mamandar.
Qazaqstan Respýblıkasy UQK Shekara qyzmeti bastyǵynyń orynbasary Serik Qaldybaev bul katerlerdiń shekaralyq aımaqta zańsyz balyq aýlaıtyn brakonerlerge qarsy kúreste taptyrmas kólik ekendigin aıtady.
Kater zaýytta bir jyldan asa ýaqyt jasalǵan. Jaqyn kúnderi synaq bastalmaq.
Qazbek QUTTYMURATULY, «Egemen Qazaqstan»
Sýretti túsirgen Aıbatyr NURASh