Ǵylym komıtetiniń tóraǵasy Bolatbek Ábdirasylovtyń aıtýynsha, baıqaýǵa qatysý úshin ótinimder 20 shilde men 1 qyrkúıek aralyǵynda baıqaýdyń resmı saıtynda (www.meninarmanym.kz) qabyldanady. Jáne oǵan 14 pen 29 jas aralyǵyndaǵy orta mekteptiń joǵary synyp oqýshylary, kolledj ben kásiptik-tehnıkalyq mektep oqýshylary, úkimettik emes uıymdardyń ókilderi, JOO-nyń stýdentteri, jas jańashyldar qatysa alady. «Bul joba N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda kórsetilgen ıdeıanyń is júzinde iske asyrylýy bolyp tabylady», dedi Bolatbek Ábdirasylov.
Aıta ketetin taǵy bir jaıt, baıqaýǵa qatysý tegin. Jáne jobalardy aqparattyq, bilim, tehnologııalyq, ekologııa jáne áleýmettik-mádenı baǵyttar boıynsha joldaýǵa bolady. Spıkerlerdiń sózinshe, biregeı ári qoǵamǵa paıdaly áleýmettik joba usynǵan úmitker júldeger bolyp tabylady. Qoǵam qaıratkerleri, saıasatkerler men kásipkerlerden quralǵan qazylar alqasy 1 aı boıy kelip túsken jumystardy saralap, joba jeńimpazyn anyqtaıdy. Baıqaýda baǵy janǵan jeńimpaz 5 000 000 teńgeni ıelenedi.
Raýan QAIDAR, «Egemen Qazaqstan»