Oblystyń medısınalyq uıymdary 35 sanıtarlyq avtokólik aldy.
Bıyl jedel medısınalyq kómek jelilik brıgadasy úshin qosymsha taǵy 13 arnaıy mashına men reanımobıl satyp alynady. 2016 jyly jergilikti bıýdjettiń qarjysy esebinen aýyldyq densaýlyq saqtaý jáne emdeý uıymdary, jedel medısınalyq kómek stansalary úshin 100 sanıtarlyq avtokólik satyp alynǵan bolatyn. О́ńir úlken aýmaqta ornalasqan medısınalyq uıymdardyń tarmaqty jelisimen sıpattalady. Sondyqtan, oblystyń barlyq turǵyndaryn zamanaýı jáne sapaly medısınalyq kómekpen qamtamasyz etýde sanıtarlyq avtokólikter mańyzdy ról atqarady, dep habarlaıdy ShQO densaýlyq saqtaý basqarmasy. Basqarmada atap ótkendeı, oblysta jergilikti bıýdjet qarjysyna satyp alynatyn sanıtarlyq avtokólik parkin jańartý baǵdarlamasy da jalǵasyn tabýda.