«Qazaqstan Respýblıkasy 2017 jylǵy 28 shildedegi Koreı Halyq-Demokratııalyq Respýblıkasynyń ballıstıkalyq zymyrandy ushyrýyn batyl aıyptaıdy. Mundaı-is-áreketter BUU Qaýipsizdik Keńesiniń qararyn óreskel buzýshylyq bolyp esepteledi, álemge qaýip tóndiredi jáne Shyǵys Azııa óńirinde jáne jahandyq aýqymda jaǵdaıdy ýshyqtyrady.
QHDR-dyń jaýapsyz saıasaty ıadrolyq qarýsyzdanýdyń jahandyq prosesine teris áser etedi, bolashaq ıadrosyz ǵalamshardy qamtamasyz etý jónindegi ujymdyq kúsh-jigerge zııan keltiredi. QHDR-dy óz halqynyń qaýipsizdigi men damýy, sondaı-aq búkil adamzattyń ıgiligi úshin ıadrolyq menmendikten bas tartýǵa tabandy túrde shaqyramyz.
QHDR-dyń zymyrandyq jáne ıadrolyq baǵdarlamasynyń qaýpi búkil múddeli taraptarǵa kelissózder prosesin jedel túrde qaıta bastaý arqyly ózara tıimdi sheshimdi izdestirý jónindegi kúsh-jigerdi jandandyrýdy talap etedi. Qalyptasqan jaǵdaıdan shyǵýda Soltústik Koreıa bıliginiń arandatýshylyq is-áreketterinen týyndaǵan problemany kúshpen emes, naq kelissózder arqyly sheshýge bolady dep esepteımiz», delingen málimdemede.