onymen qatar, qoǵamdaǵy túrli daýly jaǵdaılardyń aldyn alý úshin medıatorlyq tehnologııalardy paıdalanýdyń da mańyzy orasan. Osyǵan oraı, Assambleıada jalpyrespýblıkalyq ınklıýzıvti medıatorlar jelisi qurylǵan. Jambyl oblysynda oǵan Qoǵamdyq kelisim keńesi men medıasııa kabıneti kiredi.
Taraz qalasyndaǵy «Dostyq úıinde» «Medıasııa ınstıtýtynyń qazirgi jaǵdaıy men damý perspektıvasy» atty Jambyl oblysy Qazaqstan halqy assambleıasy medıatorlarynyń forýmy ótti. Forým jumysyna Qazaqstan Respýblıkasy Prezıdenti janyndaǵy «Qoǵamdyq kelisim» Respýblıkalyq memlekettik mekemesi medıasııa sektorynyń meńgerýshisi Janar Úsipbekova, «Qoǵamdyq kelisim» kommýnaldyq memlekettik mekemesi medıasııa kabınetiniń mamany Valentına Dosybıeva, oblystyq sot koordınatory Dınara Nurlybaeva, Taraz qalalyq Ádilet basqarmasynyń basshysy Gúlnár Kýshekova, áleýmettik-ekonomıkalyq salasynyń zańdylyǵyn qadaǵalaý basqarmasy basshysynyń orynbasary Ǵanı Abdrahmanov, Qazaqstan Halqy Assambleıasynyń medıatory Gúlmıra Joldasova, Baızaq aýdanynyń Qazaqstan halqy assambleıasynyń medıatory Ǵalııa Kóshekbaevalar qatysyp, medıasııa salasyna qatysty túrli taqyryptarda baıandama jasady.
Búginde Jambyl oblysy ákimi apparatynyń «Qoǵamdyq kelisim» kommýnaldyq memlekettik mekemesi janynan 2016 jyldyń 4 aqpanynan bastap qoǵamdyq qabyldaý júrgizetin, turǵyndar kez-kelgen máselelerimen júgine alatyn medıasııa kabıneti jumys istep keledi. Budan ózge sotta, oblys, qala jáne aýdan ákimderiniń apparatynda 48 medıator qyzmet etetin 12 medıasııa kabıneti, sonymen qatar turǵyndarǵa medıasııalyq keńes beretin kezekshilik múshe keńesi uıymdastyrylǵan. Al aǵymdaǵy jyly 1 tamyz kúni medıasııa kabınetine 362 azamat óz ótinishterimen qaıyrylǵan. Sondaı-aq, Qazaqstan halqy assambleıasy medıatorlarynyń qyzmeti nátıjesinde úsh júz daý men qaqtyǵysty jaǵdaılar oń sheshilgen. Al azamattardyń bergen ótinishteriniń ishinde etnosaralyq kelispeýshilik pen shıelenis boıynsha másele bolmaǵanyn aıta ketý kerek. Sonymen qatar, forým barysynda medıasııa ınstıtýtynyń jaǵdaıy men damý máseleleri sóz bolyp, Qazaqstan Halqy Assambleıasy medıasııa qurylymynyń memlekettik organdar men azamattyq qoǵam ınstıtýtymen ózara is-qımylynyń negizgi tetikteri talqylandy.
Forým qatysýshylary tarapynan 2017 jyldyń 1 qyrkúıegine deıin Jambyl oblysy Qazaqstan halqy assambleıasynyń hatshylyǵyna «Qoǵamdyq kelisim» kommýnaldyq memlekettik mekemesi kurylymynda ónirlik medıasııa ınstıtýtyn tıimdi damytý maqsatynda medıasııa bólimin ashý máselesin qarastyrý, turaqty túrde óńirdiń barlyq aýdandarynda túsindirý jumystary júrgizilip, buqaralyq aqparat quraldarynda aqparat berilip, ashyq esik kúnderin ótkizý, el azamattaryna arnalǵan medıasııa boıynsha semınar-trenıngter men sheberlik synyptaryn júrgizý sııaqty birqatar usynystar aıtyldy. Endi aıtylǵan usynystar qabyldanyp, josparlar júzege asqan jaǵdaıda, medıasııa qyzmetiniń mártebesi budan da arta túsetindigi sózsiz.
Hamıt Esaman,
«Egemen Qazaqstan»
Jambyl oblysy