Qazanbasov Baqyt Alpysbaıuly 1961 jyly týylǵan, bilimi joǵary, 1996 jyly Jambyl jeńil jáne tamaq ónerkásibi tehnologııalyq ınstıtýtyn «ınjener-tehnolog» mamandyǵy, 2005 jyly M.H.Dýlatı atyndaǵy Taraz memlekettik ýnıversıtetin «qarjy» mamandyǵy boıynsha bitirgen.
Eńbek jolyn 1981 jyly Taraz qalasyndaǵy №2 astyq kombınatynyń slesari bolyp bastaǵan.
1983-2001 jyldary Taraz qalasyndaǵy №2 astyq kombınatynda úgitýshi, untaqtaýshy, seh bastyǵy, bólimshe meńgerýshi, qosalqy sharýashylyq meńgerýshi, 2001-2003 jyldary «Aq bıdaı» AQ dırektory, 2003-2008 jyldary «Zar-Zamın» JShS-niń qosalqy sharýashylyq meńgerýshisi, 2008-2011 jyldary Jambyl aýdany Asa aýyldyq okrýginiń ákimi, 2011-2013 jyldary Jambyl aýdany ákimdiginiń turǵyn-úı sharýashylyq, jolaýshylar kóligi jáne avtomobıl joldary bóliminiń basshysy qyzmetterin atqarǵan.
2013 jyldan bastap Jambyl aýdany ákiminiń orynbasary qyzmetin atqarǵan.