SsangYong Nomad brendiniń modeli jańǵyrtylady

Jalpy SsangYong Nomad mashınasyn shyǵarý jobasynyń júzege asyrylýy otandyq avtoóndiristi damytýda, Qazaqstan óndirisine ınno­va­sııalyq jańalyqtar ákelýde, sóıtip avtomashınalardyń ámbebap joǵary tózimdi jelilerin shyǵarýda, osy avtoındýstrııa salasyndaǵy mamandar biliktiligin arttyrýda erekshe mańyzy boldy. Brendterdi jasaǵan bastapqy zaýyttaǵy tásilderdi úırengen bizdiń mamandar qazir biliktiligi jaǵynan sheteldik áriptesterinen qalmaıtyn dárejege jetip keledi. Al zaýyttaǵy óndiristik alańnyń keńdigi, zamanaýı tehnologııalardy jasaýǵa múmkindiginiń je­tim­diligi, jabdyqtalýy dúnıe jú­zind­egi qandaı zaýytpen de talasa alady. Endi osy joba aınalasynda «SsangYong Nomad brend mashınanyń shyǵarylýy nege toqtap qaldy, zaýyt odan bas tartty ma?» degen áńgime bar. Mundaı qańqý sózdiń bary ras, óıtkeni dál qazir eshkim zaýyttan sapta turǵan mashınany kórip otyrǵan joq. Al onyń kóńil qýantar sebebi bar. 

Sol úshin SsangYong Motor Co atalǵan mashınanyń modelin, onyń ishinde qorabyn, quramdas basqa da bólikterin jańartý-jańǵyrtý jumystaryn júr­gizetin bolady.  – Zaýytta SsangYong Nomad brend ma­shınasyn shyǵarý jobasy toqtaǵan joq, ol múmkin emes. Ras, mashınanyń qurastyrylýy ýaqytsha toqtap tur. Ol brendtiń modelin jańǵyrtý isine baılanysty bolyp otyr, bastamany brendti jasaýshy koreıalyq áriptesterimiz kóte­r­­- di. Negizi mashına qurastyrýdaǵy ju­mystyń basy dánekerleý bolyp taby­lady. Osy avtomobıldi óndiretin ko­reıalyq áriptester dánekerleýdiń teh­nıkalyq sıpatyn ózgertýge sheshim jasa­dy, soǵan oraı dánekerleý jelisindegi jabdyqtarǵa, tehnologııaǵa da ishinara ózgerister engiziledi. Al syrlaý isi, qurastyrý burynǵy kúıinshe qalady. Uzaq ýaqyt tekke turmas úshin biz oǵan qabattastyra JAC ma­shınasynyń dánekerleý, qurastyrý jabdyqtaryn orna­typ jatyrmyz. Mysaly, koreıalyqtar konstrýksııalyq máselelerdi 2018 jyldyń birinshi toqsanyna deıin sheship bolǵansha, biz ústimizdegi jyldyń tórtinshi toqsanynda JAC mashınasynyń dánekerleý, syrlaý, qurastyrý jumystaryn bastap, al 2018 jyldyń basynan Peugeot-31 modelin osy óndiristik alańda tolyqqandy qu­rastyratyn bolamyz,–deıdi «Sary­arqaAvtoProm» jaýapkershiligi shek­teýli seriktestiginiń tehnıkalyq damytý jónindegi dırektory Sergeı Mogılatov. Qazir AllurGroup pen onyń áriptesteri arasynda mashınanyń quramdas ból­shek­teriniń satyp alý baǵasy jóninde keli­simder júrgizilýde. Qazaqstan nary­ǵynda SsangYong mashınasynyń res­taılıngilik nusqasynyń paıda bolýy, onyń básekede bási basym bolýy- men qatar, bólshek saýda baǵasynyń tómendeýine de yqpal etedi. Kelisimshart jasaý úderisi sheńberinde osy modeldiń óndiristik jelisin jańǵyrtýǵa qatysty tehnıkalyq máseleler de sheshimin tabady. Mashına konstrýksııasyndaǵy ózgeristerden keıin barlyq paıdalanǵan dáneker kondýktorlarda da ózgertýler jasaý talap etiledi. Sonymen qatar, je­lidegi dánekerleý jumystaryn ret­teý­di jańartý qolǵa alynady. Eń bir aı­ta ketetini, ishinara tehnologııalyq úde­­risterdi túzetýge baılanysty ju­mys­tar kádimgi óndiristik tártippen júr­gizilgendikten, ol kompanııa úshin esh­qandaı materıaldyq, qarjylaı, taǵy bas­­qadaı shyǵyn ákelmeıdi.  Nomad modeli dáneker, syrlaý ju­mys­taryn qosqanda tolyqqandy tá­sil­men óndiriledi, ol óndiriske Qazaqstan damý bankiniń qarjylaı ın­ves­tısııasy arqyly engizilgen bolatyn. Investısııa Nomad jobasy boıynsha jabdyqtar satyp alýǵa, mamandar men qyzmetkerlerge zamanaýı tehnologııalyq úrdisterdi oqytýǵa jumsaldy. Zaýyt mashına qu­ras­tyrý jelisine tolyqqandy tásildi en­gizý arqasynda, óndiriske ınvestısııa sa­latyn sheteldik ınvestorlardy, jańa brendterdi tartty. Bul mashına jasaý óndirisi kásiporyndaryn keńeıtýge, taǵy da sheteldik iri ınvestorlar nazaryn aýdarýǵa múmkindik berdi.   Qostanaı mashına jasaý alańynda óndiris úderisinde kibirtikteý bolǵan emes, ústimizdegi jyldyń ekinshi toq­sa­nynda avtomobılder shyǵarý 284 paı­yzǵa, ıaǵnı 4 esege ósti. Muny san­dar tilimen sóıletsek, ekinshi jarty­jyl­dyqta 33,8 mıllıard teńgeniń 2373 dana tehnıkasy sapqa qoıyldy. «SaryarqaAvtoProm» zaýytynda ja­salǵan avtomobılderdi ishki na­ryq­ta satý osy maýsym aıynda eli­miz­degi otandyq óndiris shyǵarǵan avto­mo­bılder segmentinde 26,7 paıyz­dy qurady. Bul kompanııanyń na­ryq­ta­ǵy shebin nyǵaıta túsedi degen sóz. Jal­py, AllurGroup kompanııasy qu­ra­myna kiretin mashına jasaý ón­di­ris­tik alańdary konveıerlerinen jyl­dyń alǵashqy úsh aıynda 490 avtomobıl sapqa qoıylsa, kelesi úsh aıda shyǵarylǵan tehnıkalar birliginiń sany 1883 boldy. Sonyń ishinde «Sary­arqaAvtoProm» zaýytynyń bási bas­ym ekenin kórsetkishter aıǵaqtaıdy. Na­­ryqtyń buljymaıtyn óz zańy bar. Naryqta túpki nátıje ónimniń óndi­ril­genine emes, onyń ótýine táýeldi. Ús­ti­mizdegi jyly zaýyt ónimin alǵan jeke jáne korporatıvtik klıentter sany 82 paı­yzdy qurady, mashınanyń 18 paıy­zy tender arqyly memlekettik mekeme­lerge berildi. Kompanııa jumysqa ki­riskeli Qostanaı zaýytynan 28,5 myń da­na jeńil jáne kommersııalyq tehnıka shyǵaryldy. Sonyń barlyǵy da ıesin tapty.  Búginde Qostanaı zaýytynyń óndiris j­elisinen jeńil avtomobıldiń 58 m­odeli jáne arasynda ataqty Peugeot, SsangYong, Iveco, JAC, Hyundai sekildi álemdik brendter bar 8 kommersııalyq tehnıka shyǵarylady. Munyń syrtynda bıyl óndiris jelisinen Chevrolet Niva ı Ravon Nexia R3 modelderi óndirile bastady. Zaýyttyń óndiris alańynda brend­ti avtomobılder shyǵarýdy jol­ǵa qoıýdyń arqasynda olardyń baǵa­syn bólshek saýda naryǵynda 200 000 teń­geden 500 000 teńgege deıin arzan­da­týǵa múmkindik týdy.  AllurGroup kompanııasy búginde syrtqy saýda aınalymynyń nyǵaıýy jolyndaǵy jumysty kúsheıte tús­ken. Bıylǵy jyldyń sáýir aıynda Qostanaıda óndirilgen JAC jeńil kó­liginiń bir myń danasyn eksportqa shy­ǵarý jóninde Tájikstanmen kelisim ja­saldy. Ol boıynsha kóliktiń al­ǵashqy partııasy syrttaǵy ıeleriniń qo­lyna tıip te úlgerdi. Al bul jalpy Qazaqstandaǵy avtomobıl eksportyna oń áser etti. Qostanaıda shyǵa­ryl­ǵan avtomobıldiń eksporttyq sa­ty­lymynyń bir partııasynyń ózi tutas mamyr aıynda syrtqa satylǵan kólik sany kóleminen asyp tústi.   Modeli jańartylyp, jańǵyrtylǵan SsangYong Nomad brendi elimizde óndirilgen avtomobılderdiń ishki, syr­t- qy saýdasyn órge súıreıtini aıan. Bul «SaryarqaAvtoProm» zaýytyndaǵy óndiris jelisiniń keńeıýine, jumys oryndarynyń kóbeıýine de yqpaly eteri kámil. 

Názıra JÁRIMBET, «Egemen Qazaqstan»

QOSTANAI