Onyń aıtýynsha, boıjetken tabylǵan jáne týystaryna oraldy.
«Ol Qazaqstanǵa óz betimen keldi jáne qazirgi ýaqytta óz týystarynyń janynda júr. Onyń ata-anasy bizge habarlasty jáne qyzdyń jaǵdaıy jaqsy ekenin, tek jaqyndarynyń qoldaýyna muqtaj ekenin habarlady. Tagına aıtarlyqtaı psıhologııalyq soqqy alǵan jáne ózge adamdarmen tildesýge daıyn emes. Sondyqtan, ázirge oqıǵanyń mán-jaıy anyqtalyp jatyr», dedi Á.Jaınaqov.
QR Syrtqy ister mınıstrliginiń ári qaraıǵy is-áreketi jóninde Jaınaqov barlyǵy zardap shekken qyzdyń sheshimine baılanysty ekenin basa aıtty.
«Eger ol ózin Bahreınde kúshtep ustady dep aryz jazar bolsa, biz qaskóılerlerdi jaýapqa tartýda qol ushyn sozatyn bolamyz. QR Elshiligi men QR Syrtqy ister mınıstrligi qyz joǵalǵan sátten bergi jaǵdaıdy baqylaýda ustap keledi. О́z kezeginde Bahreın polısııasy jyldam jumys istep, birqatar izdestirý sharalaryn júrgizdi», dep atap ótti Jaınaqov.
Eske sala ketsek, tamyz aıynyń basynda qyzdarynyń joǵalyp ketkenin aıtqan Tagına Haıtmetovanyń ata-anasy Syrtqy ister mınıstrligine júgindi. 27 shilde kúni Tagına Astanadan Dýbaıǵa ushqan jáne sol jaqtan Bahreınge attanǵan. Eki kún ótken soń, týystary qyzben baılanysty joǵaltqan.