Búgin Astanadaǵy Máskeý kúnderi aıasynda «Jeruıyq» saıabaǵynda Keńes odaǵynyń batyry, general I.V. Panfılovtyń eskertkishine jáne «28 panfılovshy» monýmentine gúl qoıý rásimi ótti, dep habarlaıdy qala ákimdiginiń medıa ortalyǵy.
Máskeýlik delegasııany Máskeý Úkimetiniń mınıstri, qalalyq syrtqy ekonomıkalyq jáne halyqaralyq baılanys departamentiniń basshysy Sergeı Cheremın basqardy. Panfılovshylarǵa qurmet kórsetip, rýhyna taǵzym etýge kelgenderdiń qatarynda Máskeý memlekettik dýmasynyń depýtattary, halyqaralyq jáne óńiraralyq qatynastar vedomstvosynyń basshylary, sondaı-aq TMD elderi boıynsha ózara áreket jónindegi mamandar bar.
Sharaǵa Astana ákimdigi tarapynan «Almaty» aýdanynyń ákimi Ádilbek Sársenbaev, Syrtqy saıasat basqarmasynyń basshysy Erlan Kanalımov jáne Din isteri jónindegi basqarma basshysy Danııar Esın qatysty.
Taraptar sharanyń mańyzdylyǵyn atap ótip, qaza tapqan jaýyngerlerdiń rýhyna taǵzym etti.