Taıvan aralynyń astanasy – Taıpeıde alaýy jaǵylǵan HHIH Jazǵy ýnıversıadanyń altynshy jáne jetinshi jarys kúnderinde Qazaqstan quramasynyń qorjyny bir kúmis jáne bir qola medalmen tolyqty.
Jarystyń altynshy kúni taekvondoshy qyzymyz Jansel Denız 73 kılo salmaq dárejesinde synǵa túsip, altyn júlde úshin bolǵan básekede ońtústikkoreıalyq Lı Da Bınnen 11:34 esebimen jeńilip qaldy.
Ýnıversıadanyń kúmis júldegeri fınalǵa deıin Sıýzan Roze Barnett (Chılı), Iаna Shnaıder (Germanııa) jáne Mıtsı Toledony (Meksıka) jarys jolynan shyǵardy. Al jartylaı fınalda túrkııalyq Sıýde Býlýttan basym túsken bolatyn.
Al burnaǵy kúni Qazaqstannyń taekvondodan erler arasyndaǵy quramasy jartylaı fınalda Reseı komandasynan 10:18 esebimen jeńilip, qola júldeni qanaǵat etti. Bizdiń komandanyń quramynda Nursultan Mamaev, Sultan Qalıbekuly jáne Smaıyl Dúısebaı óner kórsetti. Jazǵy ýnıversıada synyndaǵy jalpykomandalyq esepte Japonııa atletteri 74 medalmen (29 altyn, 18 kúmis jáne 27 qola) kósh bastap keledi. Ekinshi orynǵa taban tiregen Ońtústik Koreıa quramasynyń enshisinde 69 júlde bar (26, 18, 25). Al ázirge úzdik úshtikti túıindegen Taıvan quramasy 55 medal jeńip aldy. Onyń 17-si altyn, 22-si kúmis jáne 16-sy qola medal.
Qazaqstandyq stýdentter ázirge 3 altyn, 4 kúmis jáne 6 qola júldemen (barlyǵy – 13) 15-shi orynda keledi.
Qaırat ÁBILDA, «Egemen Qazaqstan»