Úsh aptaǵa jýyq ýaqyt aralyǵynda ǵana 9 qyrkúıek kúni Astanadaǵy «Saryarqa» respýblıkalyq velotreginde ótetin kásipqoı boks keshi bıletteriniń basym bóligi satyldy. Osy kúnge deıin eshkimnen jeńilmegen Qanat Islam men Brendon Kýk arasyndaǵy jekpe-jekti kórý úshin 11 000 adam keledi, dep habarlaıdy Baq.kz aqparat agenttigi.
«Biz báseke ótetin jerdi tyńǵylyqty izdestirdik. Aqyry «Saryarqa» respýblıkalyq velotregine toqtaldyq. Bul – sporttyq keshender arasyndaǵy álemdegi eń úzdikterdiń biri bolyp sanalatyn teńdessiz nysan. Astanalyq «Saryarqa» velotregi 9 195 kórermendi syıdyra alady. Sondaı-aq, rıngtiń mańynda 1 500 VIP oryndar ornalastyrylady. Qazirgi kezde barlyǵy 8 000-nan asa bılet satyldy», – deıdi Qazaq Promotions kompanııasynyń dırektory Qaırat Jaılaýbaev.
Sondaı-aq, ol resmı túrde shaqyrylǵan qonaqtar arasynda tek kórnekti memleket, sport jáne qoǵam qaıratkerleri ǵana emes, BJSM men sport-ınternattyń ókilderi de bar.
«Aldaǵy boks keshi astanamyzdyń turǵyndary men qonaqtary úshin úlken mereke bolmaq. Belgili kásipker jáne mesenat Baýyrjan Ospanov jeke ózi jas jetkinshekter osy keshten keremet áser alyp, shattyqqa bólensin degen nıetpen BJSM ókilderin qajetti bılettermen qamtymasyz etý jóninde tapsyrma berdi», – deıdi Qazaq Promotions kompanııasynyń dırektory.
Esterińizge sala keteıik, Bıletterdi Zakazbiletov.kz jáne BiletiAstana.kz saıty nemese Astana qalasyndaǵy myna kassalardan alýǵa bolady:
1. «Kerýen» SSO , Dostyq kóshesi, 9, +7 778 544 27 62 2. Mechta SO, Respýblıka dań., 45, +7 778 544 27 63 3. «BiletiAstana.kz» keńsesi, Jeńis dań., 34, +7 778 347 88 01 4. «Astana Arena» SK, Týran dań., 54, + 7 778 347 88 01