Qazaqstan Respýblıkasy Premer-Mınıstriniń birinshi orynbasary Asqar Mamın Serbııanyń qorǵanys mınıstri Aleksandr Výlınmen kezdesti, dep habarlady Premer-Mınıstrdiń baspasóz qyzmeti.
Kezdesý barysynda Qazaqstan men Serbııanyń qorǵanys-ónerkásip kesheni salasyndaǵy ekijaqty yntymaqtastyǵynyń ózekti máseleleri talqylandy. Taraptar áskerı-tehnıkalyq yntymaqtastyq salasyndaǵy birlesken jobalardy damytýǵa ázir ekenin rastady.
Asqar Mamın «Sizdiń resmı saparyńyz Qazaqstan-Serbııa ekijaqty qarym-qatynasynyń damýyna qosymsha serpin beredi» dep málimdeı otyryp, seriktestikti tereńdete túsý úshin barlyq múmkindikterdiń baryn aıtty.
О́z kezeginde Serbııanyń qorǵanys mınıstri Qazaqstanǵa kelgen saparynyń nátıjeli ekenin atap ótti. Sapar barysynda áskerı-tehnıkalyq salada ózara tıimdi yntymaqtastyqty damytýdyń naqty kelisimderine qol jetkizildi.
Aleksandr Výlınniń basshylyǵymen Astanaǵa kelgen Serbııanyń qorǵanys mınıstrliginiń delegasııasy qorǵanys ónerkásibi kesheniniń nysandaryn aralady.