Almatyda birqatar oqý nysandaryn seısmıkalyq nyǵaıtý jáne kúrdeli jóndeýden ótkizý jumystary aıaqtaldy. Bul týraly almaty.gov.kz habarlady.
Almatyda bıylǵy jyl alǵash ret 28 oqý nysandaryn seısmıkalyq nyǵaıtý jumytary júrýde, olar - 22 mektep pen alty bala baqsha. Bıyl eki mektep pen alty mektep jasyna deıingi balalar mekemeleri salynady, sonymen qatar alty mektep pen bir bala baqshany qaıta jasaý jáne olardyń janynan qosalqy nysandar salý qarastyrylǵan. Almaty ákimi Baýyrjan Baıbek jumys sapary barysynda seısmıkalyq nyǵaıtý, kúrdeli jóndeý jumystary ótken qaladaǵy birqatar mektepter men bala baqshalardy aralap kórdi.
Qazirgi kezde №71, №106, №53, №63 tórt mektepte jáne №69 ı №80 eki bala baqshalarda seısmıkalyq nyǵaıtý jumystary aıaqtalǵan. Qyrkúıekte №10 mektepte jáne №77, №82 eki bala baqshada jumystardy aıaqtaý josparlanǵan. Qurylys basqarmasynyń málimeti boıynsha №187, №192, №4, №162, №19, №118, №101 jeti mektepte jumystar qazan aıynda, al №20, №104, №130, №94, №21, №110 alty mektepte qarashada, Úmit úıi men №46 mektepte jumystar jeltoqsan aıynda aıaqtalady.
Qalada mektep jasyna deıingi jeti balalar mekemelerinde qurylys jumystary júrýde. Mysaly, №110 mektep janynda bala baqsha salynady, №6 bala baqsha janyndaǵy qosalqy nysannyń qurylysy bitedi. Keler jyly №184, №185 mektepter janyndaǵy bala baqshalar, Naýryzbaı jáne Alataý aýdandarynda árqaısysy 320 oryndy úsh bala baqsha paıdalanýǵa beriledi.
Bilim berýdiń segiz nysanynda qurylys-montaj jumystary júrýde. Jyl aıaǵyna deıin №77 jáne №156 mekter janyndaǵy qosalqy nysandar qurylystary aıaqtalady. 2018 jyly Naýryzbaı aýdnynda 1200 oryndy, Alataý aýdanynda 600 oryndy mektepter, №1 Pedagogıkalyq kolledj ben №151, №185 jáne basqalary janynan qosalqy nysandar iske qosylady.
Aıta keterligi, sońǵy 5 jyl ishinde qalada 15 myń oryndy 280 bala baqsha, 14 myń oryndy 12 mektep ashyldy. Tek ótken jyly ǵana jergilikti bıýdjet esebinen 500 oryndy 4 bala baqsha iske qosyldy. «Shańyraq», «Qalqaman» yqsham aýdandarynda mektepter janyna 1800 oryndy qosalqy nysandar salyndy.
Memlekettik – jeke áriptestik aıasynda 2016 jyly jeke qarjylar esebinen 5,7 oryndy 175 bala baqshalar men mını-ortalyqtar ashyldy. 2017 jyly 200 oryndy 57 jeke bala baqsha paıdalanýǵa berildi. Bıznes tarapynan jasalǵan qoldaý arqasynda 14 mlrd. teńge bıýdjet qarjysy únemdeldi.
Qalaqurylys keńesinde turǵyn keshenin salý máselesi qaralǵanda bala baqshalar men mektepterge aıryqsha nazar aýdarylady. Sońǵy 2 jyl ishinde ınvestorlar esebinen 7 myń oryndy 54 bala baqsha salý jóninde sheshim qabyldanǵan. 3 myń oryndy 24 bala baqsha kommýnaldyq menshikke beriledi. Osynyń arqasynda bıýdjettiń 24 mlrd. teńge qarjysy únemdeldi.
Almatyda «Jastar jyly» jarııalanǵan soń Jol kartasy jasaldy. Nátıjesinde 2 myń oryndy 4 jataqhana salý josparlandy. 1200 oryndy taǵy bir jataqhananyń qujattary daıyndalýda. Turǵynúıqurylysbankimen birge jastardyń jeńildetilgen zaem arqyly jańa páter alýyna múmkindik beretin erekshe baǵdarlama jasaldy.