Aıtýly kúndi toılaý barysynda ártúrli is-sharalar uıymdastyryldy. «Astana qalasynyń ózbek etno-mádenı ortalyǵynyń 10 jyldyǵy: «Rýhanı jańǵyrý» baǵdarlamasynyń mańyzdylyǵy men keleshegi» merekege serpin berdi. Bul týraly qalalyq ákimdiktiń baspasóz qyzmeti habarlady.
Sharaǵa Qazaqstan halqy Assambleıasy tóraǵasynyń orynbasary Darhan Myńbaı, QR Parlamentiniń depýtattary, О́zbekstan Respýblıkasy Úkimeti men elshilik ókilderi, QHA músheleri, belgili qoǵam qaıratkerleri, Astana qalasynyń etno-mádenı qoǵamdyq uıymdarynyń basshylary qatysty.
Qatysýshylar mádenıaralyq dıalogtyń qazaqstandyq modeliniń damyǵanyn kórsetý, Qazaqstanda turatyn etnostardyń salt-dástúrleri men mádenı ádet-ǵuryptaryn qurmetteý jáne qyzyǵýshylyq qalyptastyrý – bul sharanyń basty maqsaty, deıdi.
-Mádenı ortalyq músheleriniń sanyn kóbeıtý jáne múmkindikterin nyǵaıtý, shyǵarmashylyq ujymdardy damytý – osyndaı jetistiktermen ózbek etno-mádenı birlestigi óziniń on jyldyǵyna jetti, - dep atap ótti Astana qalasynyń Qazaqstan halqy Assambleıasy sekretarıat meńgerýshisi Lázzat Qusaıynova.
Belsendiler eńbegi alǵys hattarmen marapattaldy.
Kesh ortalyq qonaqtaryna konserttik baǵdarlama usynýmen jalǵasty. Olar qyzyqty da kóńildi konsert tamashalady. Mereke sońy marapattaý rásimimen aıaqtaldy.
Aıta ketý kerek, merekelik shara Astana qalasynyń ákimdiginiń, Qazaqstan men О́zbekstan Respýblıkalarynyń elshilikteriniń qoldaýymen ótkizildi jáne halyqaralyq «Astana EKSPO-2017» mamandandyrylǵan kórmesinde О́zbekstan Respýblıkasy kúnderiniń ótýine arnalǵan.