Qyzylordada aımaqtyq energetıkalyq kompanııalardyń (AEK) jedel-jóndeý qyzmetkerleriniń kezekti respýblıkalyq kásibı-tehnıkalyq oqý-jattyǵýy bastaldy. Sharaǵa Qazaqstannyń 10 oblysynan komandalar qatysýda.
Jıyndy Qyzylorda oblysynyń ákimi Qyrymbek Kósherbaev ashyp, oqý-jattyǵý jumystarynyń uıymdastyrylýyna uıytqy bolǵan QR Energetıka mınıstrligi men Qazaqstan Elektroenergetıkalyq Qaýymdastyǵyna rızashylyǵyn bildirdi.
«Respýblıkalyq oqý-jattyǵýlar ótkizý energııamen qamtamasyz etý múmkindigin arttyrady, elektr energııasynyń shyǵyndaryn azaıtý jáne ınvestısııalar tartý men kórsetilip jatqan qyzmetter sapasynyń jaqsarýyna jol ashady. Ekonomıkanyń damýyn energetıkasyz elestetý múmkin emes. Sondyqtan bul saıysta jeńilgender bolmaıdy, qatysýshylardyń barlyǵy da jeńimpaz atanatyny anyq. Iаǵnı energetıka salasy, oǵan qatysýshylardyń sapasy men kásibı deńgeıi jeńiske jetedi», -dedi oblys ákimi.
Qazaqstan Energetıkter Qaýymdastyǵynyń tóraǵasy Shaımerden Orazalınov jáne atalǵan qaýymdastyqtyń ardagerler keńesiniń tóraǵasy Sovethan Nurpeıisov oqý-jattyǵý jumystaryna qatysýshy komandalardy quttyqtap, jarysta jeńis tiledi.
Aıta keteıik, elektr taratý toraptary operatıvtik-jóndeý brıgadalary arasyndaǵy respýblıkalyq kásibı jarys jyl saıyn QR-nyń ár aımaqtarynda dástúrli túrde ótkizilip keledi. О́tken jyly Almaty qalasyndaǵy «Alataý» jaryq kompanııasy» AEK jeńimpazy atanǵan bolatyn.
Aımaqtyq energetıkalyq kompanııalardyń (AEK) dástúrli oqý-jattyǵýy Qyzylordada 2017 jyldyń 6-7 qyrkúıegi aralyǵynda ótedi. Saıys qorytyndysy boıynsha oza shaýyp, jeńis tuǵyrynan kóringender avtokólikke ıe bolady.