Halyqaralyq kórmeler bıýrosy EKSPO-2017 kórmesiniń úzdik qatysýshylaryn marapattady.
EKSPO qatysýshylaryn marapattaý rásimi 1851 jyly London qalasynda ótkizilgen birinshi Dúnıejúzilik kórmeden bastap dástúrge aınaldy. Bıylǵy marapat arqyly EKSPO-2017 Halyqaralyq mamandandyrylǵan kórmesiniń qatysýshylaryn «Bolashaq energııasy» taqyrybyndaǵy jobalardy júzege asyrýdy jalǵastyrýǵa jáne osy baǵyttaǵy biregeı ıdeıalardy damytýǵa yntalandyrý kózdelgen.
Uıymdastyrýshylardyń habarlaýynsha, halyqaralyq pavılondar «Kórme dızaıny» jáne «Kórme taqyrybynyń ashylýy» atty eki sanat boıynsha baǵalandy. Qazylar alqasy quramyna kórme, sáýlet jáne halyqaralyq kórmeler salasyndaǵy 9 halyqaralyq sarapshy endi.
Birlesken pavılondar arasynda «Kórme Dızaıny» sanaty boıynsha qola júlde - Latyn Amerıkasy plazasyna, kúmis júlde - Tynyq muhıty plazasyna, altyn júlde - Karıb qoǵamdastyǵy plazasyna berildi. «Kórme taqyrybynyń ashylýy» sanatynda qola - Ýkraınaǵa, kúmis- Gana Respýblıkasyna jáne altyn - Tájikstanǵa tabystaldy.
Aýmaǵy 400 sharshy metrden kem pavılondar arasynda «Kórme Dızaıny» boıynsha qola júldeni - Latvııa, kúmis júldeni - Slovakııa, altyn júldeni- Polsha Respýblıkasy jeńip aldy. «Kórme taqyrybynyń ashylýy» boıynsha fınlıandııalyq dep tanyldy. Kúmis júlde Sıngapýrǵa, qola júlde - Chehııa Respýblıkasyna buıyrdy. 400 jáne 700 sharshy metr aýmaǵy bar pavılondar ishinde «Kórme Dızaıny» sanatynda qola júldege -Monako Knıazdigi, kúmis júldege - Ázerbaıjan, altyn júldege - Katar laıyq dep tanyldy.
«Kórme taqyrybynyń ashylýy» sanatynda Shveısarııa úzdik dep tanyldy. Qalǵan júldeli eki oryn Majarstan men Úndistanǵa tabys etildi. 700 sharshy metr jáne odan kóp aýmaǵy bar pavılondar arasynda báseke qyza tústi. «Kórme Dızaıny» boıynsha qola júlde - Koreıa Respýblıkasyna, kúmis júlde - Ulybrıtanııaǵa jáne altyn júlde - Reseı Federasııasyna berildi. «Kórme taqyrybynyń ashylýy» sanatynda qola júldemen - Fransııa, kúmis júldemen - Qytaı Halyq Respýblıkasy jáne altyn júldemen - Germanııa Federatıvti Respýblıkasy marapattaldy.
Eske sala ketsek, Qazaqstan Respýblıkasynyń Prezıdenti Nursultan Nazarbaev EKSPO-2017 kórmesin joǵary deńgeıde ótkizýge tikeleı atsalysqany úshin Halyqaralyq kórmeler bıýrosynyń altyn medalimen marapattaldy.
Sondaı-aq, EKSPO-2017 kórmesin tabysty ótkizýde aıanbaı eńbek etken «Astana EKSPO-2017» UK» AQ ujymy, Astana qalasynyń ákimdigi jáne eriktiler túrli marapatqa ıe boldy.