Bul jıyn 1957 jyly 4 qazanda orbıtaǵa alǵashqy jasandy Jer seriginiń ushyrylýynyń 60-jyldyǵyn atap ótýine oraı uıymdastyrylypty.
Tatarstannyń Qazan Federaldy ýnıversıtetinde ótken konferensııa Astronomııa nysandarynyń ǵarysh zertteýlerine, galaktıkalar men astrofızıka juldyzdaryna, álem týraly qazirgi zamanǵy ıdeıalarǵa arnalypty.
Bastysy, «Space science» atty mektep konferensııasy qatysýshylaryna baıandamalardy áıgili oqymystylar, astronomııa jáne ǵarysh salasyndaǵy mamandar oqydy. Oblys ortalyǵyndaǵy Oqýshylar saraıynyń ádiskeri Ásem Aıypovanyń aıtýynsha, bul jıynǵa Reseılik oqýshylar jáne pavlodarlyq oqýshylar saraıynyń Gúlnár Baýbekova basqaratyn «Antares» astroklýbynyń músheleri qatysypty. Qatysýshylarǵa ǵarysh taqyrybyna saı baıqaýlar ótkizildi. Mysaly, Erenǵaıyp Qoblandy «Jastar mektebiniń emblemasy» atty nomınasııa boıynsha Qazan qalasynyń basty kórikti jerlerin, Engelgardt atyndaǵy observatorııany, Qazan Federaldy Ýnıversıtetin sýretke salyp, jastar oqıtyn mekteptiń emblemasyn aq qaǵaz betine somdap, «Jastar mektebiniń emblemasy» jáne «Astronomııalyq sýret» atty nomınasııalar boıynsha óz bilimin joǵary dárejede kórsetip, úshinshi orynǵa qol jetkizdi. Al, Alekseı Belıchenko bolsa «Astronomııalyq sózjumbaq» atty nomınasııasy boıynsha astrofızıka, astronomııa, kosmonavtıka salalary boıynsha sózjumbaq qurap 3-shi orynǵa jaıǵasty. Ámir Qarataı «Astronomııalyq sýret» atty nomınasııasy boıynsha shyǵarmashylyq baıqaýda 2-shi orynǵa laıyq dep tanyldy.
Ǵarysh taqyrybyna arnalǵan shyǵarmashylyq saıysta Ámir qolyna qylqalam alyp, túrli-tústi boıaýlarmen astronomııaǵa baılanysty óziniń eńbekterin sheber salyp, Qazan qalasynyń bolashaq aspanyn saldy. Oqýshylar saraıynda aspan álemine qyzyqqan jastar astronomııa salasymen 2015 jyldan bastap aınalysyp keledi.
Farıda Byqaı,
«Egemen Qazaqstan»
Pavlodar
Sýret oqýshylar saraıynan jiberildi