Oblys ákimdiginiń uıymdastyrýymen óńirdegi «Sakraldy jerlerge saıahat» atty shara bastaldy.
Mysaly, «Ábý Hanıfa» qory oblystyq ardagerler uıymy, «Aýyl» partııasynyń oblystyq fılıaly birlesip rýhanı sharaǵa úles qosýda. Maqsat – óńirdegi shejireli sakraldy jerlerimen jastardy tanystyrý, onyń qasıeti men kıeliligi, óńir tarıhy men rýhanııatynda alatyn orny týraly nasıhattaý, bolashaqta bul oryndardy ishki týrızm nasandary retinde jobaǵa engizý isine úles qosý.
Osy maqsat údesinde jolǵa shyqqan Tıto Syzdyq, Ábilhaq Túgelbaı, Saparǵalı Baıbolat, Idaıat Ábdihalyq, Amantaı Muqantaı, Beken Saǵyndyquly, Abylaı О́kesh, Ermat Baıǵurman bastaǵan zııalylar toby Baıanaýyldaǵy Máshhúr Júsip kesenesi, Ertis aýdanyndaǵy Taımas áýlıe kesenesi, Aqkól-Jaıylmadaǵy Murat ıshan, Isabek ıshan, Jandarbek qojanyń áýlettik kesenesinde jáne Maı aýdany jerindegi Aqbaly haziret, Haısa ata kesenesinde baryp zııarat jasady. Aqshıman aýyly Qalmaqqyrǵan taýyna bardy. Aqsaqaldarmen birge bul jolsaparlarǵa tarıhshy, ádebıetshi ǵalymdar, jastar da erip birge júrdi.
«Babalarymyzdyń rýhtary máńgi, olarǵa ýaqyttyń ámiri júrmeıdi. Al bizdiń maqsatymyz tarıhymyzdy tereń zerttep, túgendeý. Tarıhty túgendeý – bolashaqtyń máńgi bolýyn qoldaıdy», deıdi oblys boıynsha ókil ımam Narıman Isen.
Farıda BYQAI, «Egemen Qazaqstan»
Pavlodar