Tarazda qoǵamdyq sanany damytý máselesi qaraldy

Keńes otyrysyn Qazaqstan Respýblıkasy Prezıdentiniń janyndaǵy «Qoǵamdyq kelisim» Res­pýblıkalyq memlekettik mekemesi dırektorynyń orynbasary Ázimhan Qoılybaev júrgizip otyr­dy. Sondaı-aq atalǵan is-sha­raǵa óńirlik «Qoǵamdyq keli­sim» kommýnaldyq-memle­ket­tik mekemesiniń basshylary – Dostyq úıleriniń dırek­tor­lary, Qazaqstan Halqy Assam­bleıasy, etnomádenı birles­tik­terdiń músheleri jáne etnoaǵartý keshenderiniń oqytýshylary qatysty. Jıynda áýeli Jambyl oblysy ákiminiń orynbasary Erqanat Manjýov sóz sóılep, ob­lystyq Qazaqstan halqy assam­bleıasynyń jáne «Dostyq» úıiniń búgingi tańda atqaryp otyrǵan jumystaryna toqtaldy. Elimizde bastaý alǵan rýhanı jańǵyrý negizinde de birqatar nátıjelerge qol jetkizgenin atap ótti. 

Budan keıin Astana qalasynan kelgen «О́zbek etnomádenı bir­lestigi» qoǵamdyq birlestiginiń tóraǵasy, «Dinderdi zertteý ortalyqtary» qaýymdastyǵynyń sarapshysy Sherzod Pýlatov «Rýhanı jańǵyrýdyń faktory retinde qazaqstandyq biregeılikti nyǵaıtý» taqybyrynda baıandama jasady. О́z sózinde Sherzod Abbozuly elimizdiń búgingi tańda biregeılik pen tatýlyqty saqtap otyrǵan birden-bir memleket ekenin atap ótip, qazaqstandyq biregeılikti nyǵaıtý jóninde oılaryn aıtty. Sondaı-aq «Vynhýa» Jambyl oblystyq dúngen mádenı ortalyqtarynyń qaýymdastyǵy» qoǵamdyq birlestiginiń prezıdenti Rýslan Ismazov jańaqazaqstandyq pat­rıo­tızmdi tárbıeleýdegi qoǵam­dyq uıymdardyń róli jóninde aı­typ ótse, Batys Qazaqstan obly­sy ákimi apparatynyń «Qoǵam­dyq kelisim» kommýnaldyq-mem­lekettik mekemesi dırektorynyń orynbasary Jamal Ihsanova «Oblystyq Qazaqstan halqy assam­bleıasy qoǵamdyq kelisim keńesiniń jumystaryn uıym­das­tyrý jóninde» sóz sóıledi. Al Almaty oblysy ákimi appa­ra­tynyń «Dom Drýjby – Qoǵamdyq kelisim» kommýnaldyq-memle­kettik mekemesiniń dırektory Táńirbergen Qasymberkebaev qaıyrymdylyq boıynsha ju­mys­tardyń negizgi baǵyttary jóninde áńgimelese, Mańǵystaý oblysy ákimi apparatynyń «Qoǵamdyq kelisim» kommýnaldyq-mem­lekettik mekemesiniń dırektory Amankúl Jaıylhanova Qazaqstan halqy Assambleıasy medıasııa kabınetteriniń memlekettik organdar jáne azamattyq qoǵam ıns­tıtýttarymen ózara is-qı­my­lynyń tetikteri jóninde oı bólisti. 

Jalpy, búginde rýhanı jań­ǵyrý negizinde jastarmen jumys júrgizýdegi ınnovasııalyq jobalar mańyzdy. Bul jóninde Soltústik Qazaqstan oblysy ákimi apparatynyń «Qoǵamdyq kelisim» kommýnaldyq-mem­lekettik mekemesiniń dırekto­ry Ásemgúl Esqoja aıtyp berdi. Son­daı-aq Aqmola oblysy áki­mi apparatynyń «Qoǵamdyq kelisim» kommýnaldyq-mem­le­kettik mekemesi dırektorynyń orynbasary Manat Ismaǵulov, Jezqazǵan qalasy «Dostyq jáne mádenıet úıi» mekemesiniń kórkemdik jetekshisi Ǵaı­nııash Mergenova jáne Shy­ǵys Qazaqstan oblysy, Boro­dý­lıha aýdany Dostyq úıi kom­mýnaldyq-memlekettik qazy­nalyq kásipornynyń dırektory Aleksandra Shpılkına sóz sóılep, óz pikirlerin bildirdi. Sonymen qatar otyrys barysynda rýhanı jańǵyrýdyń faktory retinde qazaqstandyq biregeılikti nyǵaıtý, jańaqazaqstandyq patrıotızmdi tárbıeleýdegi qoǵam­dyq uıymdar róliniń máse­leleri de talqylandy. Son­daı-aq Qazaqstan halqy Assam­bleıasyn, Dostyq úılerin damy­tý tujyrymdamasynyń ekin­shi kezeńine sáıkes, kommý­naldyq-memlekettik mekeme­ler men Dostyq úıleri qyzmet­ker­leriniń biliktilikterin arttyrý máselesi de qaraldy. Oty­rys­ta dırektorlar Almaty, Batys Qazaqstan jáne Jam­byl oblystarynyń mysalyn­da Dostyq úıleriniń jumys tájirıbesi, oblystyq Qazaq­stan halqy Assambleıasy «Qoǵam­dyq kelisim» keńesiniń jumys­taryn uıymdastyrý, sondaı-aq Qazaqstan halqy Assambleıasy qyzmetiniń jańa baǵyttary bolyp sanalatyn qaıyrymdylyqty, medıasııany damytý máseleleri boıynsha da pikir almasty.

 Otyrys sheńberinde tilderdi úıretýdiń ınnovasııalyq ádis­terine, barshaǵa arnalǵan me­dıa­tıvtik tehnologııa taqyrybyna arnalǵan «Biliktilikti kóterý júıesi: dástúrler men ınnovasııalar», «Qazaqstannyń 100 jańa tulǵasy», «Barshaǵa ar­nalǵan medıatıvtik tehnologııa» taqyryptarynda paneldik pi­kirsaıystar men semınar-trenıngter de uıymdastyryldy.

Hamıt ESAMAN, «Egemen Qazaqstan»

Jambyl oblysy