Alǵashqy qoǵamdyq kitap shkaftarynyń jelisi iske qosyldy

Bul joba elimizdiń barlyq óńirlerinde júzege asyrylyp, kitap oqý mádenıetin damytýdy kózdep otyr. Demek árbir adam óz kitabymen bólisip, sóreden ózine unaǵan kitabyn ala alady. 

«Elbasymyzdyń «Bolashaqqa baǵdar: rýhanı jańǵyrý» maqa­lasyna saı jastardy kitap oqýǵa baýlıtyn jobany uıymdastyryp otyrmyz. Kitap arqyly dástúri­mizdi, tarıhymyzdy, dúnıeni tanýǵa bolady. Sondyqtan bul áleýmettik mańyzy joǵary joba dep bilemiz. Kitap sórelerin orna­lastyrýdy Astana qalasynan bastadyq. О́zim osy kitap sóre­sine Muhtar Áýezovtiń «Abaı joly» kitabyn alyp keldim. Qazaq tilin tez meńgergisi kel­gen adam «Abaı joly» kitabyn oqy­ǵan jón degen oıdamyn», dedi «Bolashaq» qaýymdastyǵy keńesiniń tóraǵasy mindetin at­qarýshy, Májilis depýtaty Baq­tııar Máken. 

«Bolashaq» qaýymdastyǵynyń múshesi Ermek Maqashevtyń aı­týyn­sha, úsh apta ishinde Alma­ty, Petropavl jáne Oral qala­lary­nan 800-den astam kitap jınalǵan. 

«Men qoǵamǵa mańyzy zor jo­baǵa ózimniń súıikti kitap­tarym­­­nyń birin tabystaǵym kelip otyr. Ol Aleksandr Dıýma­nyń «Úsh noıan» kitaby. О́mirińde jaq­sy ki­tap­­qa tap bolǵan kezde, ony­men bólis­kiń kelip turady eken. Ádet­te dos­taryma oqysyn, bil­sin de­gen nıet­pen beretinmin. Al en­­di bir ǵana kitap danasynyń qa­­lyń jurtshylyqqa tarap, paı­da tı­gize alatyndaı múmkindik tý­­dy. Son­dyq­tan barshamyzdy at­sa­­­ly­­sýǵa sha­qy­ramyn», dedi Olım­­pıa­da chempıony, Parla­ment Májilisi­niń depýtaty Serik Sápıev.

Sonymen qatar sharaǵa «As­tana» halyq­aralyq qarjy orta­­­­ly­­­ǵynyń basqarýshy dırek­tory, «Bolashaq» qaýym­dasty­ǵy­nyń mú­shesi Saıasat Nurbek qaty­syp, ki­tap oqý qajettiliginiń 5 sebebin bólip aıtyp berdi.

«Kitapta adamnyń ótken ómi­rin­de jınaǵan tájirıbesi, jasa­ǵan qateleri baıandalady. Iаǵnı kitaptan tájirıbe alýy­ńyz­ǵa bolady. Ekinshiden, kitap abst­ra­k­tili túrde oılaı bilý qabiletińizdi damytady. Úshin­shiden, ol sizdiń sózdik qory­ńyzdy baıytady. Bizdiń oı­laı bilý qabiletimiz sóz baı­lyǵy­myzǵa baılanysty, al sózdik qordy damytýdyń jaqsy joly ‒ kitap oqý. Tórtinshi sebep, kitap ‒ adamdy rýhanı damytady. Kitaptan biz áleýmettik model­derdi, áleýmettik rólderdi kóre­miz. Besinshi sebep – kitapty oqı otyryp, álem keńistigi­niń qan­sha­lyqty keń ekenin túsinesiz».

Al bıznesmen, mesenat Qaırat Qudaıbergen Almatyda óz kompa­nııasynyń qarjysyna 10 birdeı kitap sóresin ornatýǵa ýáde berdi. 

«Maǵan qazaq ádebıeti klas­sık­teriniń týyndylary óte unaı­dy. Sonymen qatar bıznes týra­ly jazylǵan kitaptardy oqý­ǵa tyrysamyn. Adamnyń bili­mi neǵur­lym tereń bolsa, ol s­o­ǵur­lym tabysqa jete alady dep oı­laı­myn», dedi Qaırat Qudaıbergen.

Joba ıdeıasynyń avtory – «Bola­­shaq» baǵdarlamasynyń túlegi Laýra Demesinova esimdi boıjet­ken. Ol kitap sórelerin ashý týra­ly ıdeıa Ger­manııanyń Ganno­ver qalasynda júrgen kezinde kelgenin aıtty.

Shara sońynda qonaqtar qanat­qaqty jobada oqyǵan kitap­­tarymen ból­isip, jastardy bel­sen­di bolýǵa shaqyrdy.

Aıgúl ShERNIIаZ, «Egemen Qazaqstan»

Sýretti túsirgen  Erlan OMAR, «Egemen Qazaqstan»