Investısııa tartýda álemdik tájirıbege súıený qajet

Aýqymy keń is-shara jyl saıyn óz alańynda be­del­di saıa­sat­kerlerdi, álem­dik jáne otan­dyq bıznes kósh­bas­shy­laryn, ınvestısııalyq korpora­sııalar men qarjy ınstıtýt­taryn jáne halyqaralyq uıym­dar basshylaryn jınaıdy. Osy­laısha, álemniń ár túkpiri­nen kelgen túrli bıznes ókilderi josparlarymen bólisip, túrli usy­nystar aıtý arqyly maq­sat tilekterin bir arnadan toǵys­tyrady.

Is-sharany júrgizgen otan­dyq táýelsiz buqaralyq aq­parat quraldarynyń negizin qalaýshylardyń biri Armanjan Baıtasov bıylǵy basqosýdyń mańyzdylyǵyna toqtala kelip, forýmnyń basty ereksheligi onyń bıznes mindetterge tolyq beıimdelýinde ekenin aıtty. Iаǵnı forýmnyń basty mindeti – sheteldik ınvestorlardy tartý, sondaı-aq iske asyrylǵan jobalarmen qatar, ınvestısııa­lar salýdy qajet etetin keleshek jobalardyń tusaýyn kesý. Budan buryn ótken forýmnyń qorytyndysy boıynsha qazirgi kezde 7,7 mlrd teńgeniń 5 jobasy iske asyrylyp, 1230 jumys oryndary qurylǵan.

Bıylǵy baǵdarlamada logıs­tıka, bilim, tamaq ónerkásibi jáne kıno óndirisi taqyrybyna arnalǵan 4 baǵyt boıynsha ózekti máseleler legin ortaǵa sa­lý kózdelgen. Osy jyly kıno prodıýserlerin ınvestı­sııa­laý úshin Almaty qalasynyń tar­tymdylyǵyna arnalǵan teńdesi joq sessııa ótkizý týraly sheshim qabyldandy. Qatysýshylar jobalardy prodıýserleý boıynsha ózara tájirıbe almasyp, kıno mektepterin qurý jaıly josparlaryn ortaǵa saldy. Forým aıasynda kıno jáne TV-úderisterin uıymdastyrýdy jeńildetetin quraldardyń tusaýyn kesý de nazardan tys qal­mady. Mamandardyń aıtýyn­sha, bul óz kezeginde salaǵa saly­natyn ınvestısııalardyń aǵy­myn yntalandyrýǵa mol sep­tigin tıgizbek.

– Sońǵy bes jylda qala hal­qynyń sany eki esege ulǵaıǵan. Úsh mıllıonǵa jýyq halyq shoǵyrlanǵan megapolıstiń ekonomıkalyq áleýeti artyp, ınvestısııalyq tartymdylyǵy da ­damı túsken. Almaty bıznes pen jeke kapıtaldyń qalasy. Sońǵy eki jyldyń ózinde jeke ınvestısııalar kólemi 25%-ǵa, al sheteldik ınvestısııa 20%-ǵa ósken. Álemdik reıtıng negizinde 2016 jyldyń qory­tyn­dysyna sáıkes Almaty álem­degi ómir súrýge qolaıly, qym­bat emes qalalardyń qatary­­nan tabylǵan. Munyń bir ǵana mysaly, Almatyǵa 2-3 kún­ge jaı ǵana golf oınap qaıtý úshin Ońtústik Koreıa sııaqty damyǵan elderdiń azamattary arnaıy keledi eken. Almaty elimizdiń qarjy ortalyǵy ǵana emes, rýhanııat pen mádenıettiń kórkem kórinis tapqan mekeni. «Almaty Invest 2017» forýmy kóptegen ıgi bastamalarǵa jol ashady degen senimdemiz – deıdi forýmnyń ashylý saltanatynda sóılegen sózinde qala ákimi Baýyrjan Baıbek.

Logıstıkaǵa, bilimge, ta­maq ónerkásibine jáne kıno óndi­risine arnalǵan negizgi talqylaý sessııalarynan basqa, forým sheńberinde «Halyqaralyq ın­vestısııalyq tájirıbe» taqy­ry­bynda TV-talqylaý ótti. Talq­ylaý barysynda ınvestorlar men ekonomıster megopolıske sheteldik ınvestısııalardy tartýdyń úzdik álemdik tájirıbesi jaıly aıtty. 

Arman OKTIаBR, «Egemen Qazaqstan»

ALMATY