Meıli iri, meıli shaǵyn bolsyn, qandaı kásippen aınalyssańyz da barlyq is-áreketterińiz zań talaptaryna saı bolǵany abzal. О́ıtkeni kóleńkeli bızneske eshqandaı jol joq. Almaty qalasy kásipkerler palatasynyń alańynda ótken Konsýltasııalyq keńes otyrysynda osy jaıly keńinen aıtyldy.
Basqosý barysynda salalyq qaýymdastyqtar men kompanııalarǵa jalǵan lotereıalar jáne aqsha utysy bar ınternet-oıyndarynyń zııandy áseri týraly, sondaı-aq zańsyz oıyn bıznesimen aınalysatyn tulǵalardyń, jalpy aýmaqta oıyn avtomattaryn ornalastyrý úshin orynjaıdy jalǵa berýshiler men olardyń ıeleriniń qylmystyq jaýaptylyǵy jóninde kezekti ret habarlanǵany málim boldy. Mundaı jumystardy keshendi túrde uıymdastyryp turý kóptegen zańǵa qaıshy áreketterdiń jolyna tosqaýyl bolatyn kórinedi. Mamandar tekseris qorytyndysynyń nátıjesiz bolmaǵanyn alǵa tartady.
– Ekonomıkalyq tergeý qyzmetiniń málimeti boıynsha 2017 jyldyń 8 aıy ishinde 50 oıyn mekemesiniń zańsyz jumysy toqtatyldy. Onyń ishinde 43 mekeme elektrondy kazınomen aınalyssa, jeteýi – oıyn apparaty zaly. 617 kompıýterlik tehnıka, 246 teledıdar, 117 elektrondy termınal, 21 oıyn avtomaty men shamamen 6 mln teńge aqshalaı qarjy alyndy, – dep málimdedi Almaty qalasy memlekettik kirister departamentiniń basshysy Asqar Tynysbekov.
«Konsýltatıvtik-keńes berýshi organnyń aldyńǵy otyrysynyń qorytyndysy boıynsha bıznestiń saýalyna qatysty «Qazaqtelekom» AQ elektrondy shot-faktýra aqparattyq júıesi kanaly operatorynyń ótkizý qabiletin arttyrý týraly usynys joldady. Nátıjesinde kanaldyń júgi turaqtaldy jáne 500 mbıt/s deıin retteldi. Zańnamaǵa kedendik tazalaý kezinde sheteldik valıýtada operasııany qaıta esepteýde paıda bolatyn tıyn aıyrmashylyǵyn esepteýge qatysty ózgertý engizý usynysy boıynsha joǵaryda atalǵan jaǵdaılardy zańnamanyń buzylǵany dep qaramaý jáne kameraldyq baqylaý júrgizgende ákimshilik jaýapkershilikke tartpaý sheshimi qabyldandy», dep atap ótti A.Tynysbekov.
Jıynda elektrondy shot-faktýrany berý kezinde qaıtalanatyn qatelikter, «ASTANA-1» aqparattyq júıesin engizý máseleleri de nazardan tys qalmady.
Konsýltatıvtik keńes otyrysynyń maqsaty kásipkerlik sýbektileri men salyq jáne keden isteri salasynda qyzmet atqaratyn tulǵalarǵa kómek berý, salyq jáne kedendik retteýdi jetildirý, ákimshilendirýdiń tıimdi tásilderin engizý, elimizde bıznes júrgizý úshin qajetti jaǵdaılar jasaý.
Arman OKTIаBR, «Egemen Qazaqstan»
Almaty