Baýyrlas Túrkııaǵa gýmanıtarlyq kómek kórsetti

Magnıtýdasy 7,2 ball bolǵan jer silkinisinen zardap shekken túriktiń Van provınsııasyna Qazaqstannan gýmanıtarlyq kómek artqan ushaq kelip jetti, dep habarlady Qazaqstannyń Túrkııadaǵy elshiligi. Qazaqstan Prezıdenti Nur­sul­tan Nazarbaev Túrkııa Prezıdenti Abdýlla Gúlmen telefon ar­qyly sóılesip, kóptegen adam­dar­dyń qaza tabýyna jáne ǵı­ma­rattardyń qulaýyna ákelip soq­tyrǵan Túrkııadaǵy jer silkinisine baılanysty Qazaqstan halqy jáne óz atynan kóńil aıtqan edi. Sondaı-aq Qazaqstan Prezıdenti surapyl apattan zardap shekkenderge Qazaqstannyń kómek jáne qoldaý kórsetýge ázir ekendigin bildirgen bolatyn. Prezıdent N.Nazarbaevtyń tap­syrmasy boıynsha 27 qa­zanda Qazaqstan Respýblıkasy Tó­ten­she jaǵdaılar mınıstr­li­giniń ar­naıy ushaǵy Túrkııanyń zııan shek­ken aımaǵyna eń qajetti gý­manıtarlyq júkten turatyn, onyń ishinde 600 oryn­dyq 60 qystyq shatyr, 60 jy­lyt­qysh pesh, 300 kórpe, 300 matras, azyq-túlik jáne t.b. zat­tardy jetkizdi. Jer silkinisinen zardap shekkender úshin gýmanıtarlyq kómek tıelgen qazaqstandyq ushaqty Erzýrým áýejaıynda Qazaqstan­nyń Túrkııadaǵy elshisi J.Túı­me­baev jáne provınsııanyń bas­shylary qarsy aldy. Gýmanıtarlyq júkti túrik tarapyna tapsyrý barysynda J.Túımebaev Qazaqstan Prezıdenti N.Nazarbaevtyń túrik halqyna jáne basshylyǵyna degen jyly demeý sózderin jáne shynaıy kúızelisin jetkizdi.