Qazaqstan – óńirdegi ókil

Keshe Seýl qalasynda (Koreıa Respýblıkasy) Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov bastaǵan delegasııa Azııa saılaý organdary assosııasııasy Bas assambleıasynyń jumysyna qatysty. Azııa saılaý organdary asso­sııa­sııasy (ASOA) 1998 jyly qu­rylǵan. Onyń maqsaty Azııadaǵy demokratııalyq úderisterdi, Azııa elderiniń saılaý organdary ara­syn­daǵy yntymaqtastyqty te­reń­detý, aqparat jáne tájirıbe almasý, saılaýlardy baıqaý, saı­laýǵa ákimgershilik etý máse­le­leri boıynsha konsýltasııalar ótkizý arqyly keńeıtý bolyp tabylady. Assambleıada úsh jylda bir ret ótkizilip otyratyn Bas assambleıalar aralyǵynda ASOA-nyń basqarýshy organy bolyp tabylatyn Atqarýshy keńestiń jańa quramy saılandy. ASOA tóraǵasy bolyp Koreıa Respýblıkasynyń Ulttyq saılaý komıssııasy, tóraǵanyń oryn­ba­sary bolyp Úndistan­nyń Saılaý komıssııasy saı­lan­dy. Koreıa Res­pýblıkasy Ult­tyq saılaý ko­mıssııasynyń tór­aǵasy Nýng-Hvan Kımniń usy­nysy boıynsha Fılıppın men Taıvannyń or­ta­lyq saılaý or­gandarymen qatar, Qazaqstan Respýblıkasynyń Ortalyq saılaý komıssııasy úsh jyl merzimge Atqarýshy keńestiń múshesi bolyp saılandy. Atqarýshy keńestiń quramy teń geografııalyq ókildik qaǵı­da­ty negizinde qalyptastyrylady. Qazaqstan Respýblıkasynyń Or­ta­lyq saılaý komıssııasy Or­ta­lyq Azııa óńirinen ókil retinde saılandy. «Egemen-aqparat».