Arnaıy baryp qatysyp qaıtty

26 qazanda Er-Rııad qalasynda Saýd Arabııasy Koroldiginiń Taq murageri, Premer-mınıstrdiń orynbasary, Qorǵanys jáne avıasııa mınıstri, hanzada Sultan ben Ábdel Ázız Ál Saýdtyń qaıtys bolýyna baılanysty azaly rásim ótti, dep habarlady QR Syrtqy ister mınıstrliginiń baspasóz qyzmeti. Atalǵan rásimge elimizdiń atynan Qazaqstan Prezıdentiniń Arnaıy ókili, el Premer-Mı­nıs­triniń orynbasary – Indýstrııa jáne jańa tehnologııalar mı­nıstri Áset Isekeshev qa­tysty. Er-Rııad provınsııasynyń gýbernatory hanzada Salman ben Ábdel Ázız Ál Saýdpen kezdesýi barysynda Á.Isekeshev oǵan Qa­zaqstan basshysynyń Saýd Ara­bııa­synyń Koroli Abdalla ben Áb­del Ázızge arnaıy joldaýyn tabys etti. Joldaýda Taq mura­ge­ri hanzada Sultannyń qaıtys bo­lýyna baılanysty kóńil aıtyl­ǵan jáne marqumnyń Qazaqstan men Saýd Arabııasy arasyndaǵy qarym-qatynastardyń damýyna ólsheýsiz úles qosqandyǵy atap ótilgen. Taq murageri hanzada Sul­tannyń tikeleı qatysýymen Saýd Arabııasy bizdiń elimizdegi Parlament Senatynyń, Astana qala­syndaǵy Kardıologııalyq aýrý­ha­nanyń, áskerı mekteptiń, Petropavl qalasyndaǵy meshittiń, son­daı-aq Semeı qalasyndaǵy tý­ber­ký­lezge qarsy balalar aýrý­ha­na­synyń qurylystary men bas­qa da áleýmettik nysandar úshin qaı­ta­rymsyz qarjylaı kómek kórsetti. Kezdesý barysynda hanzada Salman ben Ábdel Ázız Elbasy Nursultan Nazarbaevqa kóńil aı­typ, shynaıy sezimin bildirgeni úshin óziniń alǵysyn jetkizýdi surady.