«Baıan sulý», «Gaýhartas», «Qarlyǵash»

Attaryna zattary saı tulparlar alaman báıgede júldeli oryndardy bólisti El táýelsizdiginiń 20 jyldyǵyna arnalyp, oblys orta­ly­ǵyndaǵy «Qulager» ıppodromynda ulttyq at sporty oıyn túrlerinen 14-shi spartakıada bolyp ótti Al «Alaman báıgege» qazaqy ataýlary bar osyndaı tulparlar qatysyp, sparta­kıa­danyń sánin keltirdi. Úsh kúnge sozylǵan sporttyq mereke aýdaryspaq, qyz qýý, báıge, teńge alý sııaqty qazaqtyń ulttyq oıyndaryna arnalyp, sońy alaman báıgege, kókparshylar saıysyna ulasty. Apaly-sińlili Álına, Ámına Baýyrjanovalar «Qyz qýý» oıynynyń naǵyz ózin kórsetti. At ústinde dara shapqan eki qyzǵa jete almaı jigitter qaldy shań qaýyp. Onyń ústine qyzdardan óz «sybaǵalaryn» aldy. Odan keıin jankúıerler «Ushqyr attar» jarysyn tamashalady. Atynyń ózi-aq aıtyp turǵandaı, eki jarym shaqyrymǵa shapqan sáı­gú­likter arasynan ekibastuzdyq Saıat Begalıevtiń tulpary birinshi bolyp keldi. Onyń «Engımahant» atty tulpary barlyq aına­lymdy erkin shaýyp ótti. Ekinshi orynǵa oblys ortalyǵynda turatyn Turar Sattarovtyń «Traý-Master» atty tulpary ıe boldy. Al, Aqtoǵaı aýdanynan kelgen Bógenbaı Musaevtyń «Zalkapýr» atty júırigi úzdik úshtikti qorytyndylady. Osydan-aq júırikterdiń únemi babyn­da, kútimde ustalǵany baıqalady. «Toq báıgege» 15 júırik qatysty. Al «Alaman báıgeniń» aty – «Alaman báıge». Iаǵnı, qaı kezde bolsa da jurtshylyq nazary sonda. Sóıtip, 24 shaqyrymdyq «Alaman báıgege» 18 júırik jiberilip edi. Nurdáýlet Tókenuly baptaǵan atyna zaty saı «Baıan sulý» degen tulpar birinshi oryn alsa, aqsý­lyq Alan Ysqaqovtyń «Qarlyǵashy» sóre syzyǵyn ekinshi bolyp qıdy. Pavlodar aýdanynyń ókili Erǵanat Shámshaevtyń «Gaýhar­tasy» úzdik úshtikti qorytyndylady. Jarys sońynda «Baıan sulýdyń» ıesine jeńil kóliktiń kilti berildi. Farıda BYQAI. Pavlodar oblysy.