Tatarstannyń eńbek sińirgen ártisi Raıl Sagdıev alǵashqy kúni petropavldyq ónersúıer qaýymǵa Zýlfat Hakimniń komedııalyq janrda jazylǵan «Kale ıava, kıle ıava» spektaklin usyndy. Ol Býa memlekettik drama teatrynyń kórkemdik jetekshisi ári dırektory bolýmen qatar talaı rólderdi de somdaǵan.
«Osydan 30 jyl buryn Qazaqstanǵa jolymyz túsken bolatyn. Bul jolǵy gastroldik saparamyzda úlkender men balalarǵa arnap úsh spektakl usynyp otyrmyz», – deıdi R. Sagdıev.
Býa memlekettik drama teatry bıyl 100 jyldyq mereıtoıyn atap ótpekshi. О́ner ujymynda 78 adam qyzmet etedi. Qyzyljar óńirindegi qoıylymdy sahnalaýǵa 14 ártis jumyldyrylǵan.
Teatrdyń aktrısasy Anısa Sageeva qazaq jerine birinshi ret kelip otyrsa da, qonaqjaılyq, baýyrmaldyq qasıetterge óte tánti bolǵanyn jetkizdi. Tartysqa qurylǵan qoıylymdardy kóremender qyzyǵa tamashalady.
Teatr Qytaı, Izraıl, Belarýs elderine gastroldik saparlarǵa barýdy josparlap otyr.
О́mir ESQALI, «Egemen Qazaqstan»