Eńbek kúni jáne Áleýmettik qorǵaý júıesi qyzmetkerleri kúni qarsańynda, QR Eńbek jáne halyqty áleýmettik qorǵaý mınıstri Tamara Dúısenova Mınıstrlik ardagerlerin kásibı merekelerimen quttyqtady.
«Eńbek ardageri» medalimen san-salada eńbek ótili 40 jyldan asatyn, sonyń ishinde bir salada 10 jyldan astam jumys istegen, sondaı-aq eńbek jolynda eń úzdik kórsetkishterge qol jetkizgen zeınetkerler men úzdik eńbekkerler marapattalady. Osyndaı qurmetke búgin 9 ardager ıe boldy.
Joǵary kásibılik, saladaǵy kóshbasshylyq jáne uıymdastyrýshylyq qabilettiligi, áleýmettik-eńbek salasyna eleýli úles qosqany úshin jáne qazaqstandyqtardyń ál-aýqatyn arttyrýda aıanbaı eńbek etken 35 ardagerge Eńbek jáne halyqty áleýmettik qorǵaý mınıstriniń Alǵys haty tabystaldy.
Merekelik jıynǵa kelgenderdi quttyqtaǵan Tamara Dúısenova, eńbek-áleýmettik salaǵa eńbek sińirgen árbir ardagerdiń tabandy eńbegi men qosqan úlesine jekelep toqtaldy.
«Sizderdiń árbirińizdiń esimderińiz Eńbek jáne halyqty áleýmettik qorǵaý mınıstrliginiń tarıhyna altyn áriptermen jazylǵan! Sizder, búginde qoldanystaǵy áleýmettik saqtandyrý, zeınetaqy júıesi, áleýmettik kómek, eńbek qorǵaý, eńbekti normalaý jáne eńbek tólemderi, halyqty jumyspen qamtý baǵyttarynyń negizin saldyńyzdar. Áleýmettik-eńbek salasynyń damýy men oǵan qosqan zor úlesterińiz jáne qazaqstandyqtardyń áleýmettik jaǵdaıynyń jaqsarýyna at salysqandaryńyz úshin aıtar alǵysym sheksiz», - dep atap ótti Tamara Qamysqyzy.
Eske sala ketý kerek, Eńbek kúni merekesin qyrkúıek aıynyń sońǵy jeksenbisinde atap ótý 2013 jyldyń 22 qarashasynda Elbasy Jarlyǵymen bekitildi. Mereke maqsaty - Memleket Basshysynyń Jalpyǵa ortaq eńbek qoǵamyn qurý týraly ıdeıasynyń aıasynda ónimdi eńbekti yntalandyrý, jastar arasynda jumysshy kásipterdi nasıhattaý men eńbek áýletteriniń kópjyldyq dástúrlerin nyǵaıtýǵa baǵyttalǵan.
Áleýmettik qorǵaý júıesi qyzmetkerleri kúni Memleket basshysynyń 2011 jyldyń 20 qazanyndaǵy Jarlyǵymen bekitilgen bolatyn. Bul Elbasynyń zeınetkerlerdiń ıgiligine qyzmet etip, múmkindigi shekteýli adamdarǵa, kóp balaly, az qamtylǵan otbasylarǵa baǵa jetpes kómek kórsetip otyrǵan azamattarǵa degen qurmeti men qamqorlyǵy sanalady.