«Egemen Qazaqstan» gazetiniń 2011 jylǵy 13 tamyzdaǵy nómirinde jaryq kórgen «Tártip qaıtse ornyǵady?» degen maqaladaǵy derekter Semeı qalalyq ákimdiginde ótken vedomstvoaralyq komıssııa jıynynda Semeı qalalyq ishki ister basqarmasynyń bastyǵy E.Sydyqovtyń qylmystyq ahýal jaıyndaǵy baıandamasynda ózekti máseleler retinde keltirilgen bolatyn.
Mysaly, tek 2011 jyldyń basynan beri Semeı qalasyna aýyldyq jerlerden qonys aýdarǵandar sany byltyrǵymen salystyrǵanda 2 myń adamnan artyp otyr. Saıajaılarda oryn alǵan 149 urlyq pen 9 tonaý qylmystarynyń barlyǵy derlik túngi ýaqytta istelgen, bul oqıǵalar bolǵan jerler men kóshelerdiń kópshiliginde túngi jaryq ornatylmaǵan. Semeı qalasy kóshelerinde oryn tepken 56 syra satatyn dúńgirshekter men palatkalardy tekserý nátıjeleri olardyń ekeýinde ǵana qajetti ruqsat qaǵazdary bar ekendigin kórsetken.
Atalǵan jıynda Semeı qalalyq ishki ister basqarmasynyń bastyǵy E.Sydyqov osy jáıtterdi talqyǵa salyp, bul ózekti máselelerdi keshendi túrde jergilikti bılik oryndarymen birlese sheshý týraly sóz qozǵaǵan bolatyn.
Polısııa qyzmetkerleri tarapynan qoldan kelgen sharalar istelinýde. 2011 jyldyń 7 aıynda osy «Vostochnyı» saıajaı alabynda polısııanyń ýchaskelik qyzmetkerleri quqyq buzýshylyq faktileri boıynsha 465 ákimshilik hattama toltyryp, qatysty adamdardy tıisti jaýapkershilikke tartqan.
Qazirgi ýaqytta «Vostochnyı» saıajaı alaby aýmaǵynda qyzmet jasaıtyn polısııanyń eki atty patrýl baǵyty, bir jaıaý patrýl baǵyty, bir avtokólikpen patrýl jasaý baǵytyna qosymsha taǵy eki atty patrýl baǵyty, bir jaıaý patrýl baǵyty belgilendi.
B.QASENOV, Semeı qalalyq IIB bastyǵynyń orynbasary.