Eldik qundylyqtar aınasy

El Táýelsizdiginiń bir belgisi onyń onomastıkalyq saıasatynan kórinis tabatyny belgili. Bul oraıda kóptegen ońtaıly ister atqarylyp, halyqtyń kóńili ósip qalǵany anyq. Jalǵyz mysal aıtalyq. Tálim tarıhymyz qattalǵan Shýche aýdany osydan eki jyl buryn Býrabaı bolyp ózgergendegi qýanyshty eleýli oqıǵalar sanatyna jatqyza alamyz. Shattyǵymyzdy «Egemen Qazaqstan» gazeti «Atyńnan aınalaıyn, beý Býrabaı!» degen taqyryppen jalpaq jaHanǵa jetkizgen bolatyn. Býrabaı búgin taǵy da silkinis ústinde. Munda Mádenıet mınıstrliginiń Til komıteti uıym­das­tyrǵan «О́ńirlerdegi onomastıka máselelerin retteý joldary» atty respýblıkalyq «dóńgelek ústel» májilisi ótkizildi. Astana jáne Almaty qala­la­ryndaǵy, barlyq oblystardaǵy til basqarmalary onomastıka bó­limderiniń basshylary, Baılanys jáne aqparat mınıstrligi janyn­daǵy «Ulttyq aqparattyq tehnologııalar» AQ «Meken-jaı tirkelimi» aqparattyq júıesiniń ma­man­dary, aýdan ákimderiniń oryn­basarlary men buqaralyq aqparat quraldarynyń ókilderi qatysqan jıyndy Mádenıet mınıstrligi Til komıtetiniń basqarma bastyǵy Serik Sálimov kirispe sózben ashty. Kún tártibine shyǵarylǵan «Qa­­zaqstan Respýblıkasynyń keı­bir zańnamalyq aktilerine ono­mas­tı­ka máseleleri boıynsha ózgerister men tolyqtyrýlar engizý týraly» zań jobasy aıasynda ázirlengen «Tártip» jobasy jáne «Ákim­shilik-aýmaqtyq birlikterdiń jáne geonım ataýlaryn birizdendirý má­seleleri týraly» respýb­lıka­lyq «Ulttyq aqparattyq tehnologııalar» AQ bólim bastyǵy Záý­re Álimova men Sh.Ýálıhanov at­yn­daǵy Kókshetaý memlekettik ýnı­versıtetiniń professory Qa­dyrjan Ábýovtiń baıandamalary tyńdaldy. Ony talqylaýǵa Aqmola, Shy­ǵys Qazaqstan, Qostanaı, Almaty jáne Batys Qazaqstan oblystary tilderdi damytý basqarmala­ry­nyń bastyqtary Ǵosman Tóleǵul, Roza Tólemisova, Jarashan Naý­ryzbaev, Gúlnar Bıtebekova, Jomart Ernazarov, Altyngúl Ábjá­lıeva men Aqmola oblysy Zerendi aýdany ákiminiń orynbasary Álııa Amanjolova qatysty. Minberge kóterilgen basqa da sheshender onomastıka jónindegi quqyq­tyq negizderdi jetildirý, onyń qoldanylý tetigin aıqyndap, iske asyrý joldaryn ázirleý, bul rette buqara halyqtyń tilekterin eskerý jóninde usynystaryn or­taǵa saldy. Baqbergen AMALBEK, Aqmola oblysy.