Aqordada Elbasy Nursultan Nazarbaev elimizge resmı saparmen kelgen Iordanııa Hashımıt Koroldiginiń Koroli Abdalla II ben ál-Hýseınmen shaǵyn quramdaǵy kelissózder ótkizýde.
«Men ıadrolyq qarýǵa qarsy kúreste erekshelengenderge arnalǵan arnaıy syılyq bekitken edim. Qazaqstan nómiri birinshi syılyqty Sizge tabystaý sheshimin qabyldady jáne men sáıkesinshe jarlyqqa qol qoıdym. Bul Sırııadaǵy, Iraktaǵy soǵys jaǵdaıda halyqtardy jaqyndata túsetin bitimgershilik rólińizdi jalǵastyrýdaǵy eńbegińizdiń moıyndalýy. Sırııa jónindegi Astana prosesinde de Sizdiń elińiz zor rólge ıe. Osyny eskere kele arnaıy komıssııa bul syılyqty Sizge tabystap otyr. Ony Sizge tabys etý men úshin zor qurmet», - dedi kezdesý barysynda Nursultan Nazarbaev.
О́z kezeginde Iordanııa Hashımıt Koroldiginiń Koroli aıryqsha syılyqty tabys etken Qazaqstan Prezıdentine rızashylyǵyn bildirdi. «Siz taıaý aralyqta dıplomatııalyq qarym-qatynastyń 25 jyldyǵyn atap ótetindigimizdi eske saldyńyz. Degenmen, bizdiń qarym-qatynasymyz bul dataǵa deıin meniń ákemnen bastalǵanyn bilemiz. Iordanııa jáne búkil halyqaralyq qoǵamdastyq Sizdiń halyqaralyq arenadaǵy janjaldardy retteýdegi aıryqsha rólińizdi biledi jáne baǵalaıdy. Siz ıadrolyq taratpaý salasyndaǵy syn-qaterlerdiń standarttaryn, jaýaptaryn belgilep qana qoımaı, sonymen birge etnosaralyq jáne konfessııaaralyq kelisimde de zor tabystarǵa qol jetkizdińiz», - dedi Abdalla II ben ál-Hýseın.