Búrkitshi Kúntýǵan Toqtybaıuly atyndaǵy búrkitshilerdiń respýblıkalyq týrnıri aıaqtaldy. Elimizdiń birneshe oblysynan kelgen jıyrmadan astam qyran qustar básekesi Elorda irgesindegi Qoıandy aýylynyń aýmaǵynda ótti.
Qolǵa shaqyrý, shyrǵaǵa túsirý arqyly eki kún alǵyrlyqtary synalyp, úzdikteri iriktelgen búrkitterdi aqtyq synda qoıanǵa saldy. Úzdik dep tanylǵan onshaqty búrkittiń qoıanǵa túsýi tóreshiler bergen upaımen baǵalanyp, bes búrkitshi jarys júldesin ıelendi.
Bıyl úshinshi márte jalaýy jelbiregen Kúntýǵan Toqtybaıuly atyndaǵy týrnırde Jambyl oblysynan kelgen jas búrkitshi Serikbolsyn Jalǵasuly jeńimpazy atandy.
«Qońyrdolyny ózim ósirdim. Qazir jasy ekide, ekeýmiz bir-birimizge úırenisip qaldyq. Armanym eń ataqty búrkitshi bolý», deıdi jarys jeńimpazy Jalǵasuly Serikbolsyn.
Kúntýǵan Toqtybaıuly atyndaǵy respýblıkalyq III týrnırdiń júldegerleri:
1 oryn – Jalǵasuly Serikbolsyn (Jambyl oblysy)
2 oryn – Seıitjan Almas (Almaty oblysy)
3 oryn – Abdýlkárimuly Sarmat (Atyraý oblysy)
4 oryn – Tastanbek Baıraq (Qostanaı oblysy)
5 oryn – Shólenbaev Qanat (Aqmola oblysy)