Elektrondy oqýlyqtardy quptady

Zamanǵa qaraı jasaqtalǵan otandyq elektrondy oqýlyqta­ry­myz sońǵy jyldary oqýshylar men ustazdardyń «qolqanaty» boldy desek, artyq aıtqandyq emes. 2007 jyldan beri elimizdegi barlyq mektepterdiń jaraty­lys­taný pánderi men tilderdi oqy­tý­ǵa arnalǵan 20 myńnan asa ınteraktıvti taqtalar iske qosylǵan edi. Sol sekildi 40 myńnan artyq sy­nyptarǵa ınteraktıvtik taq­ta­lar qoıylyp, onymen muǵalimder jumys istep jatyr. Bul muǵa­lim­der men oqýshylardyń oqýlyqpen shektelip qalmaı, jan-jaqty izdenýine mol múmkindik jasap otyr. Sonymen qatar,  ınternet ar­qyly onlaın sabaqtaryn ótkizý isi de jaqsy jolǵa qoıylǵan. Bi­limniń kilti muǵalimniń qolynda desek, olardy qaıta daıyndaý  «vı­rtýaldy synyptar» nátı­jesinde júzege asyrylýda. Osy jobanyń aıasynda bıologııa, hımııa, fızıka pánderinen qazaq, orys jáne aǵylshyn tilderinde elek­trondy oqýlyqtar ázirlendi. Internet arqyly ınteraktıvti sabaqtar ótkizilip, «zııatkerlik elektrondy oqytý jobasy» ja­saldy. Osy arada myna bir nárseni aıta ketsek deımiz, alǵash ret Ota­nymyzda arnaıy portal ashylyp, onlaın tásili boıynsha ótkizilgen sabaqqa Elbasy Nursultan Nazarbaev qatysyp, bul urpaq úshin jasalyp jatqan jumys degen bolatyn. Mine,  sodan bergi 4 jyl ishinde elektrondy oqytý tásili óz elimizde ǵana emes, ózge jurttarǵa da tanylyp úlgerdi. Sonyń bir dáleli, Uly­brı­ta­nııanyń buryn­ǵy bilim jáne ká­sibı daıyndyq mınıstri Charlz Klarktyń bizdiń elektrondy oqý­lyqtarymyzdy álemdik deń­geıde dep baǵalaýy edi. Súleımen MÁMET.