Qyzyljar óńirinde HIII ulttyq delfıı oıyndary bastaldy. Aýqymdy jobaǵa oblystardan jáne Almaty men Astana qalalarynan 600-ge jýyq úmitker qatysyp, mádenıet pen óner salasy boıynsha baq synaıdy.
16-25 jas aralyǵynda shyǵarmashylyq sheberleriniń ónerin elimizge belgili mádenıet maıtalmandary, beldi joǵary oqý oryndarynyń professorlary baǵalaıdy
«Basty maqsat–jas býynnyń shyǵarmashylyq áleýetin anyqtaý, ulttyq mádenıetti, mýzykalyq dástúrdi damytý», deıdi qazylar alqasynyń tóraǵasy, Qazaq ulttyq óner ýnıversıtetiniń professory Baıqońyr Ijanov.
Ulttyq delfıı komıtetiniń dırektory, joba jetekshisi Quralaı Túspekovanyń aıtýynsha «Rýhanı jańǵyrý» baǵdarlamasy aıasynda «О́nerim– rýhanı qazynam» ataýymen ótip jatqan is-shara fortepıano, teatr, halyq bıi, fototosýret, kıim dızaıny, dekoratıvti-qoldanbaly óner, taǵy basqa 18 atalymdar qataryna estý qabyleti kemis balalar úshin «Qolarbamen bıleý» jáne «Ishara tilinde án oryndaý» atalymdary kirgizilgen. Áıgili boksshy Serik Sápıev ulttyq delfıı oıyndarynyń ambassadory retinde tańdalǵan.
Jeńimpazdar men júldegerderge arnaıy sertıfıkattar, júldeler tapsyrylyp, marapat sońy gala-konsertke ulasady.
О́mir Esqalı,
«Egemen Qazaqstan».
Soltústik Qazaqstan oblysy.