Jańa traktor shyǵarylýda

Semeıde «SemAZ» dep atalatyn zaýyt bar. Kezinde ol avtobýs shyǵarýmen aınalysqan-dy. Álemdik daǵdarys eki búıirden kelip qysqan soń bulardyń avtobýstary ótińkiremeı turyp qalǵan. Sonsoń atal­ǵan kásiporyn sıpaty bútindeı ózgerip, endi mun­da «Belarýs» traktory shyǵaryla bastaǵan. Iаǵnı, bular qol qýsyryp qarap otyrmaı Mınskiniń traktor zaýytymen baıla­nys­qa shyqqan. Sóıtip, atal­ǵan traktor túri osynda qurastyryla bastaǵan. Al sodan beri de eki-úsh jyl óte shyǵypty. Osy merzim ishinde mundaı trak­tordyń eki-úsh túrin shyǵarý jolǵa qoıyldy. Burnaǵy jyly Elbasy Se­meıge kelgen saparynda sonyń onshaqtysyn kóp balaly fermerlerge syıǵa tartqany da esimizde. «SemAZ» jaýapkershiligi shekteýli seriktestigi endi mine, bıylǵy jyly «El Táý­elsizdiginiń 20 jyl­dy­ǵy­na – 20 jarqyn is» aksııasy aıasynda «Belarýs 3022ds.1» dep atalatyn jańa traktor túrin shy­ǵarýdy qolǵa alǵan. Mereke qarsańynda sol ıgilikti sharýa óz sheshimin taýyp otyr. Sonyń aıǵaǵyndaı, al­ǵashqy traktorlar sharýa qojalyqtaryna jóneltilip úlgerildi. Jańa traktorǵa 300 attyq kúshi bar nemis óndirisiniń dvıgateli orna­tylǵan. Onyń ózi janarmaı únemdeýge jol ashyp otyr. Jańa traktor kúnine 60 gek­tarǵa jýyq jerdi óńdeýge kúsh-qýaty artyǵymen jetedi. Osy oraıda oǵan egis alqabyn óńdeıtin tehnı­ka­nyń qaı-qaısysyn bol­syn tirkeýge bolatyn­dy­ǵyn aıta ketken jón. Trak­tordyń avtomatty túr­de basqarylatyndyǵy, salo­ny­na qolaıly jeldetkish ornatylǵany óz aldyna. Elimiz jyl ótken saı­yn astyqty derjavaǵa aı­na­lyp kele jatqan shaqta aýylsharýashylyq tehnı­ka­sy qanshalyqty qajet ekendigi aıtpasa da túsi­nikti. Sondyqtan seri­k­tes­tik­tiń Táýelsizdik merekesi aldyndaǵy bul tal­py­ny­syn quptamasqa bol­maıdy. Dáýlet SEISENULY, Semeı.